Samartín

Énte los datos de contaminación en Samartín

adriasturies@hotmail.com (Adrian) — Wed, 20 Mar 2013 21:30:49 GMT

Dende Conceyu Abiertu por Samartín pedimos que se faigan públiques pa la vecindá del conceyu les fuentes de les altes tases de dioxidu d'azufre presentes nel nuesu conceyu y en especial na llocalidá de Sotrondio. Dende la nuesa organización pedimos responsablidaes direutes al Principáu ya que camentamos que debería ser el principal garante de la seguridá y el responsable de les investigaciones oportunes que evitasen esti tipu de situaciones. Fechos como estos nun faen más que mostrar la ineficacia de estes intituciones y a la par la dexadez y el marxinalismu nel que quieren sumir les cuenques.

Por una carretera digna pa la parroquia de Santa Bárbola

adriasturies@hotmail.com (Adrian) — Sat, 16 Mar 2013 12:14:38 GMT

Dende Conceyu Abiertu por Samartín queremos denunciar la llaceriosa situación na que s´alcuentra la carretera de Santa Bárbola, AS 337, a l’altura del kilómetru 4. Dende fai ya más d´un añu y por mor de les lluvias, prodúxose un argayu al pie la carretera na que´l tarrén sufrió un desplazamiento cola consecuente formación de resquiebres y fundimientu de la mitá del anchu de la carretera y finques de la rodiada. Les resquiebres en cuestión cada vegada se faen mayores y per elles fíltrase l´agua de la lluvia faciendo cada vegada más inestable la calzada.

Fuera corruptos de Samartín

adriasturies@hotmail.com (Adrian) — Fri, 15 Feb 2013 14:45:40 GMT

Dende Conceyu Abiertu por Samartín consideramos totalmente inaceutable el nuevu casu de corrupción asocedíu nel nuesu conceyu. N'esta ocasión el deteníu ye Joaquín Fernandez, presidente del PP en Samartín, anteriormente conceyal demientres l'añu 1999 y vicesecretariu de comunicación fasta qu'alcanzo la presidencia del partiu.

Enantes d'echar la to ropa equí... ¡Piénsalo dos veces!

adriasturies@hotmail.com (Adrian) — Sun, 10 Feb 2013 22:05:12 GMT

Conceyu Abiertu informa sobre los contenedores de ropa de la Fundación Humana.

Conceyu Abiertu por Llangréu y SMRA consideren que'l preciu del bus Riañu-Llaviana ye abusivu ...

adriasturies@hotmail.com (Adrian) — Sun, 13 Jan 2013 22:16:00 GMT

La llínia d'autobús que percorre'l Valle del Nalón ente Riañu y Llaviana perdió l'añu pasáu 234.000 viaxeros, lo que ye un datu a tener en cuenta, pero tamién hai que considerar que'l descensu d'usuarios dende l'añu 2005 ye d'un millón d'usuarios. Poro, esti descensu ye una constante dende fai dellos años. En pallabres del xerente de Autobuses de Langreo, Julio Álvarez, esti descensu desplícase pol “amenorgamientu de l'actividá económica nel valle y pol descensu de la población”.

Estes navidaes, compra nel pequeñu comerciu

adriasturies@hotmail.com (Adrian) — Sun, 09 Dec 2012 21:59:25 GMT

Cada vegada tamos viendo más la crisis per tolos pueblos d´Asturies y, cada vegada más families se ven en situaciones económiques complicaes. N’ époques de crisis la economía del pueblu distribúyese de tal forma que los ricos aumenten los beneficios por ser los únicos capaces de competir nel mercáu y la xente y families de base o, lo que ye lo mesmo, el pueblu, vense con series dificultaes pa llegar a fin de mes.

Conceyu Abiertu por SMRA critica'l derribu d'El Cafetón

adriasturies@hotmail.com (Adrian) — Wed, 28 Nov 2012 22:12:41 GMT

Dende Conceyu Abiertu por Samartín, amosamos el nuestru refugu a que se derribe’l famosu ya hestóricu edificiu d’“El Cafetón” situáu en L’Entregu. Amás, queremos criticar y poner en cuestión esta decisión y l´actitú hipócrita del gobiernu municipal, llideráu pol PSOE, yá que nun tien sentíu esbarrumbar los edificios hestóricos del conceyu, cuando al mesmu tiempu se predica “la identidá de les comarques mineres”. Tirar esti edificiu llevaríanos a perder un poco más del patrimoniu hestóricu del conceyu y, sobremanera, del pueblu de L´Entregu.

Conceyu Abiertu por SMRA ante la reaición de la Conceyala de Cultura

adriasturies@hotmail.com (Adrian) — Tue, 23 Oct 2012 20:56:09 GMT

Dende Conceyu Abiertu por Samartín del Rei Aurelio ficimos pública va pocos díes una petición pa que l’Ayuntamientu del nuesu conceyu se punxera a trabayar nuna versión n’asturianu de la páxina web municipal, p’asina responder a una realidá social del nuesu conceyu que nun taba atendida.

En rempuesta, dende l’Ayuntamientu de Samartín la Conceyala de Cultura, la señora Gema Suárez, respondió que nun diben a “tolerar crítiques infundaes”, afirmando que’l gobiernu del nuesu conceyu tien un compromisu cola llingua asturiana y que si nun se fizo la versión n’asturianu ye por falta de medios económicos. Amás, insinuó que dende CA por Samartín actuamos “de mena ofensiva contra’l Serviciu de Normalización Llingüística” del conceyu.

Conceyu Abiertu por SMRA organiza una marcha ecolóxica

adriasturies@hotmail.com (Adrian) — Fri, 19 Oct 2012 18:00:48 GMT

Conceyu Abiertu por Samartín del Rei Aurelio entama esti sábadu 27 d’Ochobre una marcha ecolóxica pela sienda de Santa Bárbola, con salida de Perabeles a les 9:00 y tornada a les 17:00 de la tarde.

Por una páxina web n'asturianu en SMRA

adriasturies@hotmail.com (Adrian) — Sun, 14 Oct 2012 21:27:26 GMT

Dende la organización Conceyu Abiertu por Samartín, esiximos que la páxina web de l´Ayuntamientu del conceyu tea tisponible también en llingua asturiana, ya que entendemos que ye un derechu fundamental y básicu pa los asturianofalantes que nun son pocos dientro de les fronteres alministratives del nuesu conceyu.