GRAU
Apr
28
2011
Conceyu Abiertu por Grau quier llevar al conceyu la democracia directa PDF Imprimir Correo electrónico
Escrito por Toño   

 

 

Conceyu Abiertu por Grau propunxo ayeri, demientres la cellebración de la espicha de presentación de les sos candidatures, un compromisu por escritu robláu polos candidatos d'esta formación, nel que s'obliga a decidir nos plenos y otros órganos de xestión municipal sobre aquellos asuntos que primero s'alcordaron polos vecinos en conceyu abiertu. D'esta manera entama un modelu "revolucionariu" de facer política, basáu na recuperación d'esta tradición democrática asturiana, per aciu la xestión direuta de los vecinos de los asuntos públicos. Los conceyales que pudiera algamar Conceyu Abiertu por Grau tampoco van cobrar pola so xestión municipal tal como se recueye nel so Manifiestu.

"La profesionalización de la política conlleva corrupción y avera a la política a persones ensin interés pol bien común sinón pol arriquecimientu personal", señaló Fernando Romero, cabezaleru por esta formación en Grau qu'ayeri agradeció a los vecinos y persones el so esfuerzu pa poder presentar la única candidatura d'esquierda asamblearia nel conceyu.

Al actu asistieron tamién miembros d'otros Conceyos Abiertos, entre los que s'alcontraba Mario Arbesú, candidatu a la Xunta Xeneral pola circunscripción central de Conceyu Abiertu y Paloma García, candidata a l'alcaldía nel conceyu de Llangréu.

 
Apr
11
2011
Conceyu Abiertu por Grau pieslla la so candidatura pa les prósimes elleiciones llocales. PDF Imprimir Correo electrónico
Escrito por Toño   

Nel conceyu abiertu cellebráu esta tarde na Casa la Cultura completóse la llista ellectoral que se presenta en Grau y que va encabezar Fernando Romero García.

Ye la primer vez qu'una candidatura ellectoral se fai dende un conceyu abiertu, con participación abierta de los asistentes que deciden l'orde que lleven los candidatos na llista y na que los presentes podíen autoproponese como integrantes de la mesma. Esa va ser la llínea política de Conceyu Abiertu, un proyectu asambleariu d'abaxo a riba onde son los vecinos directamente quienes deciden.

La llista encabézala Fernando Romero García, periodista nacíu n'Uviéu en 1965 y que rexenta el bar La Pepa de Grau anguaño. Siguenlu por orde Miguel Ángel Grau, estudiante mui sensibilizáu cola llucha ecoloxista; Aurora Fernández Hevia, trabayadora del Hospital Central d'Asturies y Javier Marinas, dibuxante y diseñador moscón conocíu polos sos comics sobre la hestoria d'Asturies.

Leer más...
 
Apr
10
2011
Nuevu conceyu abiertu en Grau pa facer la llista ellectoral y afondar nel programa PDF Imprimir Correo electrónico
Escrito por Toño   

Esti llunes 11 d'abril cellebrase un nuevu conceyu abiertu en Grau y que se va desendolcar Casa la Cultura a les 20:00 hores. Nelli va facese la candidatura de forma participativa nun actu abiertu. Asina, con esti sistema horizontal y abiertu, la xente podrá proponer candidatos y autoproponese.

Amás, nesti nuevu conceyu abiertu, van siguir tratándose y debatiendo les propuestes del programa municipal asina como'l calendariu d'aiciones y actuaciones a facer pol Conceyu Abiertu por Grau.

 
Mar
29
2011
Conceyu Abiertu por Gráu presenta el so proyectu políticu de democracia directa PDF Imprimir Correo electrónico
Escrito por Toño   

 

 

La Casa la Cultura de Grau foi ayeri l'escenariu de la presentación de Conceyu Abiertu, un movimientu políticu qu'axunta a persones de diferentes sensibilidaes d'izquierda y que propón la democracia directa nel ámbitu llocal, recuperando los tradicionales conceyos abiertos nos que les decisiones son alcordaes polos vecinos ensin intermediación de los partíos o representantes políticos. Al actu acudieron vecinos de Grau y miembros d'esti nuevu movimientu políticu, qu'esplicaron la institución del conceyu abiertu a los presentes y les sos ventaxes p'afondar na democracia participativa y evitar la corrupción y la toma de decisiones al marxe de los intereses comunales.

Leer más...
 
Mar
24
2011
Presentación de Conceyu Abiertu por Gráu PDF Imprimir Correo electrónico
Escrito por Toño   

La Casa Cultura de Gráu acueye esti llunes 28 de marzu l'actu presentación de Conceyu Abiertu por Grau. De magar les 19:30 hores va cellebrase un conceyu abiertu, al que tan convocaos tolos vecinos y vecines de Grau, onde se va desplicar que ye un conceyu abiertu y qué ye Conceyu ABiertu por Grau amás d'aldericar sobre los conflictos llaborales a nivel municipal y otres problemátiques del conceyu.
 
<< Inicio < Anterior 1 2 3 Siguiente > Fin >>

Página 2 de 3
Banner