UVIÉU
Oct
29
2011
Solidariedá con Radio Sele PDF Imprimir Correo electrónico
Escrito por Toño   

 

 

Dende Conceyu Abiertu por Uviéu queremos amosar el nuesu sofitu al coleutivu de persones que, de manera desinteresada, lleven alantre'l llabor de la única emisora radiofónica qu'emite dafechu n'asturianu, Radio Sele.

Díes atrás la xefatura de telecomunicaciones n'Asturies, dependiente del gobiernu español, desixó de sópitu a Radio Sele finar coles sos emisiones al traviés de la Frecuencia Modulada, poniendo asina puntu final -qu'asperamos seya temporal- al llabor social y d'espardimientu de la cultura ya identidá del nuesu país que dende les ondes desendolca Radio Sele, anguaño namái al traviés de la rede.

Camentamos que la decisión ye un capítulu más na persecución que dende va años sufre ésta radio comunitaria, que durante'l gobiernu de Sergio Marqués algamó llicencia pa emitir como radio comercial, lo que supón la posibilidá d'aumentar ingresos y, poro, la programación del que diba ser el proyeutu radiofónicu n'asturianu más importante de la nuesa hestoria. Cola llegada al poder del PSOE, con Vicente Álvarez Areces a la tiesta, la llicencia foi retirada y non devuelta pesie a les sentencies xudiciales qu'encamentaben al gobiernu asturianu a facelo. Depués d'ello los capítulos represivos y de persecución siguieron hasta anguaño, onde nos atopamos con un ataque frontal a la cultura asturiana y a un modelu radiofónicu alternativu ya necesariu.
Leer más...
 
Aug
16
2011
Conceyu Abiertu por Uviéu solidarízase col mozu multáu por llevar el signu 'AS' na so matrícula. PDF Imprimir Correo electrónico
Escrito por Toño   

Desiximos la posibilidá de llevar l' "AS" nes nueses matrícules en llugar de la "E".

Dende Conceyu Abiertu por Uviéu queremos amosar el nuesu refugu a l'actuación de la Policía Municipal nel casu del mozu asturianu multáu con 90 euros pol fechu de llevar na  so matrícula el símbolu identificativu "AS" en llugar de la "E"  qu'anguaño amosen tolos vehículos matriculaos nel estáu español. Consideramos que'l tapecimientu del símbolu que por defectu vien nes plaques identificatives nun supón una torga pa la llectura de la matrícula y, polo tanto, nun dificulta la so identificación.

Leer más...
 
Jul
11
2011
Charra-alderique "Les CUP:Una esperiencia d'unidá popular" PDF Imprimir Correo electrónico
Escrito por Toño   

Sábadu 16 a les 19:00 hores nos llocales de CSI n'Uviéu.

Conceyu Abiertu por Uviéu entamará esti sábadu la charra-alderique "Les CUP:Una esperiencia d'unidá popular"nos llocales de la Corriente Sindical d'Izquierdes n'Uviéu (Avd. Hermanos Menéndez Pidal, 14 baxu). Nella cuntaráse cola presencia d'Adriá Pet, militante de la Candidatura d'Unitat Popular,movimientu políticu catalán independentista y d'izquierdes que basa'l so ámbitu d'actuación nos municipios colos finxos básicos de la llucha pola igualdá social, la construcción nacional de los Paíssos Catalanes y la promoción y espoxigue del texíu asociativu catalán.

Leer más...
 
Jun
27
2011
Llamada a conceyu abiertu al Pueblu d'Uviéu PDF Imprimir Correo electrónico
Escrito por Toño   

VIENRES 1 DE XUNETU -19:00 H. -SALÓN D'ACTOS CIBERCENTRU DE LA LILA- CAI LA LILA,17

El Vienres 1 de Xunetu “Conceyu Abiertu por Uviéu” cellebrará’l un conceyu abiertu, que tendrá llugar nel Salón d’actos del Cibercentru de La Lila, asitiáu na cai La Lila 17.

La ciudá d’Uviéu,dientru de la tónica xeneral del país,vien viviendo dende va décades un déficit democráticu frutu de les polítiques caciquiles ya favoratibles a intereses ayenos al pueblu desendolcaes polos distintos gobiernos,n’especial el del PP con Gabino de Lorenzo a la tiesta por ser el que más años lleva na poltrona.Como resultáu sofrimos privatizaciones de servicios básicos y clave nel bientar del pueblu uvieín -basoria,llimpieza,instalaciones deportives,tresporte municipal,agua…-,amiguismu,clientelismu y mala xestión económica cola complicidá de fuercies que se dicen “de la oposición”.

Leer más...
 
Apr
20
2011
Conceyu Abiertu por Uviéu PDF Imprimir Correo electrónico
Escrito por Toño   
Sigue a Conceyu Abiertu por Mieres en Facebook o contacta n' Esta dirección electrónica esta protegida contra spambots. Es necesario activar Javascript para visualizarla
 
<< Inicio < Anterior 1 2 3 4 Siguiente > Fin >>

Página 4 de 4