XIXÓN
Nov
20
2012
Conceyu Abiertu por Xixón refuga l'actuación policial durante'l 14P PDF Imprimir Correo electrónico
Escrito por Adrian   

Dende Conceyu Abiertu por Xixón queremos expresar la nuesa mas rotunda conderga pola actuación de la Policía Nacional, les Xunidaes d'Intervención y de la Policía Municipal de Xixón durante la Fuelga Xeneral del pasau 14 de payares. A lo llargo de tol día de fuelga, estos cuerpos dexaron bien nidio el so calter represivu, asina como'l serviciu que-yos dan Los d'Arriba, tapeciendo la llibertá informativa de los Piquetes. Primero mediante l'acosu y la intimidación, identificando caprichosamente y ensin motivos, y dempués cargando, golpeando, mancando y deteniendo a dellos sindicalistes.

Leer más...
 
Oct
16
2012
Conceyu Abiertu por Xixón conderga l'agresión facista sufrida pol U.C. Ciares PDF Imprimir Correo electrónico
Escrito por Adrian   

 

 

Dende Conceyu Abiertu por Xixón condenamos la agresión sofrida y nos solidarizamos colos socios y simpatizantes del U.C. Ceares. Un club respetáu principalmente en Ciares, El Coto y El Llano, importantes núcleos de población obrera.

Leer más...
 
Aug
17
2012
Charra desplicativa sobre'l dineru y el sistema económicu PDF Imprimir Correo electrónico
Escrito por Adrian   

L'asociación "Acción Popular Organizada pa la Reprocidá Mutua n'Asturies-Agrupación Nava", en collaboración con Conceyu Abiertu por Xixón, organicen una charra desplicativa que xirará alrodiu'l dineru: cómo surdió, quién lu crea, quién lu controla, quién lu reparte, ú va, a quién beneficia la so escasez, y otres munches custiones, como les rellacionaes cola deuda de los países, por qué tolos países tan endeudaos, el furrulamientu de los mecanismos de deuda, etc., too ello dende una perspeutiva didáutica cola que difundir y esparder una concencia sobre'l furrulamientu del sistema monetariu actual.

Amás, tamién tendrán espaciu otres custiones como'l trueque, l'orixe de los bancos, la reserva fraccionaria, y alternatives al actual sistema, tales como los bancos de tiempu, cooperatives integrales, economía del bien común y otros munchos aspeutos. La cita tendrá llugar el prósimu vienres 24 d'Agostu de magar les 19:00 nel Llar l'Ayalga, asitiáu na Cai Decanu Prendes Pando 11 Baxu, Xixón.

Dende Conceyu Abiertu por Xixón animamos a tola ciudadanía a asistir y participar nesta charra de gran interés nos momentos actuales de crisis sistémica, debío a que nesta actividá va a poder afondase nun mayor entendimientu del modelu actual, asina como posibles alternatives y maneres de crear una economía más sostenible y racional.

 
Aug
07
2012
Conceyu Abiertu por Xixón encamienta a participar nes protestes contra la feria taurina PDF Imprimir Correo electrónico
Escrito por Adrian   

A los miembros de Conceyu Abiertu por Xixón paeznos una aberración llamar cultura al sofrimientu d'un ser vivu y que esi actu sia sofitau dafechu poles autoridaes llocales. Nun debemos escaecer que'l nuesu conceyu ye l'únicu d'Asturies onde se caltién tan bochornosu espectáculu y unicamente gracies a les arques municipales.

Poro, dende Conceyu Abiertu por Xixón encamentamos nun solo a los nuesos afiliaos y simpatizantes, sinón a tola población del conceyu a participar nes protestes escontra la feria taurina y pola retirada de les sovenciones públiques convocaes por ANADEL pa los dies 10 y 12 d'agostu.

 
Aug
06
2012
Conceyu Abiertu por Xixón considera vergoñosu’l desvíu de fondos d’EMULSA pa la Copa Davis PDF Imprimir Correo electrónico
Escrito por Adrian   

Dende  Conceyu Abiertu por Xixón consideramos vergoñosu’l  desvíu de fondos d'una empresa municipal por parte del equipu de gobiernu del nuesu Ayuntamientu pa un espectáculu tan elitista como ye la copa Davis.

Nestos tiempos de crisis, cuando’l deber de los poderes públicos ye dinamizar la economía, los mesmos empéñense en nun reinvertir los beneficios en mas emplegu públicu p’afalagar l'ego de ciertos personaxes de la nuesa ciudá y falar d'unos supuestos beneficios d’un turismu que nun trae perres, pero sí el desaniciu de la nuesa actividá industrial.

Si nun hai perres, que nun se dediquen a traer proyeutos faraónicos que solo mos obliguen a amenorgar los servicios municipales de la nuesa ciudá.

 
<< Inicio < Anterior 1 2 3 4 5 Siguiente > Fin >>

Página 2 de 5
Banner