LLANGRÉU
Jul
26
2012
Conceyu Abiertu por Llangréu refuga la xuba de les tarifes de les escueles infantiles PDF Imprimir Correo electrónico
Escrito por Adrian   

L'Ayuntamientu de Llangréu quier que seyan 314 euros mensuales, el másimu permitíu, lo qu'abonen mensualmente los padres y madres.

El gobiernu llocal de Llangréu quier xubir nuevamente les tarifes mensuales de les escueles infantiles, hasta'l másimu permitíu por xornada completa pola Conseyería d'Educación, que ye de 314 euros al mes. Nel cursu 2008-2009 les families pagaben yá 247,92 euros, lo que quier dicir que dende esi añu hasta'l presente la xubida n'euros ye de 66,08 al mes pa cada familia. A esta xubida de les tarifes axuntase'l grave fechu de que'l Conceyu de Llangréu debe-y dineru atrasáu a los trabayadores d'estes escueles.

Leer más...
 
Jul
25
2012
Conceyu Abiertu por Llangréu quier espresar crítiques respeutu a les actuales “Fiestes de Santiagu”, en Sama de Llangréu. PDF Imprimir Correo electrónico
Escrito por Adrian   

Los/es ciudadanos/es qu'integramos Conceyu Abiertu por Llangréu queremos espresar la nuesa opinión al rodiu del programa y organización de les “Fiestes de Santiago 2012”, fiestes patronales del pueblu de Sama de Llangréu.

En primer llugar, atalantamos que ye desafortunáu que Paz Fernández Felgueroso, ex-alcaldesa del PSOE en Xixón, ufriera'l pregón inagural de les fiestes populares. Nestos tiempos de conflictividá social y crisis socioeconómica atalantamos que'l perfil pa pregonera/u d'estes fiestes ye'l de una persona que destaque pola defensa de los drechos sociales y llaborales de la clase trabayadora y que nun tea relación con intereses partidistes o sindicalistes. Poro, entendemos que lo afayaizo sedría cuntar una persona que destacare polo tanto nos campos del altruismu y la defensa de la mayoría social. Per otru llau, la ex-alcaldesa xixoniega encarna na so persona la defensa encubierta de la especulación, les privatizaciones y el fallíu modelu de reconversión industrial.

Leer más...
 
Apr
17
2012
Conceyu Abiertu por Llangréu solicita un mayor compromisu del Ayuntamientu pa colos paraos y paraes PDF Imprimir Correo electrónico
Escrito por Toño   

 

 

 

Los paraos y paraes de la cuenca’l Nalón organizaos baxo la “Plataforma de paraos” vienen de facer una riestra de propuestes a desendolcar pol Ayuntamientu de Llangréu, énte les qu’atopamos el tresporte público de baldre o’l pagu del mínimu en dalgunes tases municipales pa quienes lleven más de dos años en paru, como midíes que, dende la Casa Conceyu, ayuden a ameyorar la situación na que s’atopen les miles de persones en situación de desemplegu, nel nuesu conceyu y nos averaos.

Dende Conceyu Abiertu por Llangréu queremos amosar el nuesu sofitu a los paraos y paraes nes sos vindicaciones que, independientemente de propuestes concretes, son llexítimes y asoleyen la demanda qu’esiste énte la ciudadanía pa que l’Ayuntamientu seya un organismu muncho más enfotáu na situación social de lo que ta anguaño, onde sólo importen los intereses específicos del PSOE y la so rede clientelar texía a lo llargo los años.

Leer más...
 
Oct
31
2011
Conceyu Abiertu por Llangréu sofita a los despedios d'Aguas de Langreo y desixe la so realmisión. PDF Imprimir Correo electrónico
Escrito por Toño   

Conceyu Abiertu por Llangréu quier amosar el so sofitu pa colos trabayadores d'Aguas de Langreo, empresa mista del Ayuntamientu de Llangréu y Aqualia, que s'encarga de xestionar esti serviciu na zona. Trabayadores d'esta empresa se tan viendo impotentes al ver que se-yos ta despidiendo de forma improcendente y amás dende la empresa almiten la improcedencia de los despios.

El 8 de xunetu d'esti añu notifícase-yos a estos trabayadores que tan acusaos d'un delitu de robu de material y nel mes d'agostu'l so despiu, improcedente dafechu y que llega enantes de saber nada alredor de l'acusación por supuestu robu. Amás, nesi intre se reconoz la improcedencia. Los trabayadores aseguren que la denuncia de robu nun tien xaciu y que nun s'esperó al xuiciu porque'l direutor de la empresa tuvo muncha priesa n'echalos, pues en xuiciu la parte denunciante nun diba recibir la razón.

Leer más...
 
Oct
22
2011
Conceyu Abiertu solidarízase con Darréu y denuncia l'actitú represora de FSA-PSOE allá onde tienen poder políticu PDF Imprimir Correo electrónico
Escrito por Toño   

Dende el movimientu políticu CONCEYU ABIERTU queremos amosar la nuesa solidariedá cola organización xuvenil Darréu dempués de que l’Ayuntamientu de Llangréu, gobernáu pol PSOE y presidíu pola alcaldesa Esther Diaz, prohibiese nel últimu momentu la celebración del conciertu Asturies Nun Escaez na so décima edición aún cuntando col permisu pertinente de la direición del centru escolar onde diba rializase.

Conceyu Abiertu quier perafitar el so compromisu cola consecución de la plena democracia en tolos conceyos d’Asturies y nesti sen amosamos un enorme esmolecimientu por esti tipu d’actitues autoritaries y caciquiles que, además, desgraciadamente persabemos que nun son aisllaes nin muncho menos aneudótiques sinon que vienen repitiéndose d’una  u otra forma na mayoría los conceyos d’Asturies sobremanera n’aquellos gobernaos por FSA-PSOE  y siendo siempres especialmente virulenta y agresiva esta actitú contra aquellos axentes sociales o políticos más críticos contra’l actual sistema.

Nesti casu la represión centrase contra la mocedá independentista asturiana qu’entama esta fin de semana el Dia de la Mocedá Revolucionario, un eventu que pretende vindicar el papel de la mocedá asturiano na tresformación social y na costruición nacional d’Asturies al tiempo que sirve d’homenaxe a los revolucionarios y revolucionaries de 1934. Dende Conceyu Abiertu queremos amosar tamién d’igual forma el nuesu compromisu cola mocedá que llucha y que ye’l motor de cambiu y de tresformación más importante que tien esti país.

 
<< Inicio < Anterior 1 2 3 4 5 6 7 8 9 10 Siguiente > Fin >>

Página 9 de 11
Banner