LLANGRÉU
Oct
15
2012
Conceyu Abiertu por Llangréu pide que s'esclarien los motivos pa pesllar la Estación d'Autobuses del conceyu. PDF Imprimir Correo electrónico
Escrito por Adrian   

 


 

L'edificiu de la Estación d'Autobuses de Llangréu, asitiáu en La Felguera, vien de ser peslláu por orde del Consorciu de Tresportes d'Asturies (CTA). Esta instalación cuntaba con una cafetería, unos baños públicos y un quioscu y sirvía amás d'abellugu pa los usuarios y vecinos. El pasáu 17 de mayu la Conseyería de Fomentu, Ordenación del Territoriu y Mediu Ambiente del Principáu d'Asturies delegó nel CTA la xestión d'esta estación d'autobuses. Dende hai meses el CTA comunicó a les persones qu'ellí trabayaben que l'edificiu tenía que pesllar y agora vemos como definitivamente esta estación d'autobuses, la única del conceyu, zarra les sos puertes.

Leer más...
 
Oct
08
2012
Conceyu Abiertu por Llangréu apoya de nuevu la reivindicación vecinal de rehabilitar la Plaza Prau de Marzu y les anexes al Parque El Sutu de La Felguera PDF Imprimir Correo electrónico
Escrito por Adrian   

Depués d'un tiempu dende que Conceyu Abiertu por Llangréu pidieremos que l'Ayuntamientu de Llangréu atendiere les peticiones de los vecinos del Barriu de Pinín, en La Felguera, l'actitú del gobiernu llocal nun cambió nada y siguen faciendo oyíos sordos a les peticiones de reforma de la Plaza Prau de Marzu y les pequeñes plazoletes de la redolada. Nel so día, denunciamos l’estáu d'abandonu y peligru que teníen y tienen estos espacios públicos. Los vecinos llegaron a aconceyar cola ex-alcaldesa Esther Díaz, pero les peticiones d'estos nun fueron satisfeches y estes places siguen nel mesmu estáu precariu depués d'años.

Leer más...
 
Sep
29
2012
Conceyu Abiertu por Llangréu pide la dimisión del gobiernu llocal pol escándalu de los Talleres del Conde PDF Imprimir Correo electrónico
Escrito por Adrian   
 
L'Ayuntamientu de Llangréu aprebó a la fin de forma oficial la suspensión del proyeutu de recintu ferial nos terrenos qu'ocupen los Talleres del Conde, en La Felguera. Nel vienres 28 de setiembre votose nel plenu municipal la paralización de les obres col votu a favor de PSOE, Izquierda Xunida y PP. Depués de meses d'inactividá, silenciu y escurantismu estes últimes selmanes l'equipu de gobiernu del PSOE en Llangréu yá foi dexando clara la so posición y la situación d'esti proyeutu. Agora'l proyeutu ta suspendíu de forma temporal de manera oficial, anque too paez indicar que la suspensión del proyeutu ye dalgo definitivu.
Leer más...
 
Sep
11
2012
Conceyu Abiertu por Llangréu desixe la reapertura de les piscines de Riañu y Pénjamo PDF Imprimir Correo electrónico
Escrito por Adrian   

Una vegada más, dende Conceyu Abiertu por Llangréu queremos pidir responsabilidá y sentíu común al gobiernu llocal y al Principáu, dambes instituciones gobernaes pol PSOE, pa que lleguen a un alcuerdu xustu, eficaz y rápida de cara a reabrir les piscines de Pénjamo y Riañu. Tamos nun escenariu de supuesta negociación alredor d'esti tema pero nun vemos frutos nin novedaes mentantu los únicos danificaos son los vecinos y vecines del Conceyu de Llangréu.
 
Pero otru llau, l'escandalosu casu de les piscines municipales de Llangréu fai espeyar como les institiciones non siempres son opaques y zarraes a la presión ciudadana, y munches vegaes, gracies a la presión masiva de los vecinos y vecines, ceden y lleguen a plantegar soluciones y negociaciones cola fin de contentar a la vecindá, pesie al cálter autoritariu y pocu democráticu del sistema y del partíu PSOE. Asina, saludamos la iniciativa ciudadana y la so presión y felicitamos a los llangreanos por facer que la reapertura de les piscines municipales tea agora mesmu muncho más cerca.

Leer más...
 
Aug
03
2012
Conceyu Abiertu por Llangréu llamenta la situación de les obres del soterramientu y pide seriedá a los responsables PDF Imprimir Correo electrónico
Escrito por Adrian   

Les ciudadanes y ciudadanos qu'integramos Conceyu Abiertu por Llangréu vemos con esmolición la situación de les obres de soterramientu de les víes de tren FEVE. Estos díes, la nueva conseyera de fomentu, Belén Fernández, espresó na presentación del so programa de gobiernu na Xunta Xeneral que les obres de soterramientu nun finarán enantes de 2014. Estes obres amás lleven paraes cerca d'un añu yá y tendríen que tar finaes yá esti añu presente 2012. Con un presupuestu de 55 millones d'euros, propios de los fondos mineros, estes obres alxundicáronse nel añu 2009 a la Unión Temporal d'Empreses (UTE) integrada por Contratas Iglesias y Comsa Empresa Constructora.

La situación nun ye nueva, y el centru urbanu del conceyu de Llangréu lleva yá llargos meses con unes obres paraes, dando una imaxe permala pa los nuesos pueblos y faciendo que les víes de comunicación internes del conceyu seyan anguañu carreteres improvisaes y de pior movilidá, creando en dalgunes ocasiones ciertos colapsos circulatorios. Tamién, aparte de la situación física, que salta a la vista, ye bien conocía la gran batalla política que dellos partíos de sobra conocíos tuvieron con estes obres.

Leer más...
 
<< Inicio < Anterior 1 2 3 4 5 6 7 8 9 10 Siguiente > Fin >>

Página 8 de 11
Banner