LLANGRÉU
Dec
26
2012
Conceyu Abiertu por Llangréu denuncia l'aislamientu que viven dellos pueblos por mor de los nuevos túneles de Riañu PDF Imprimir Correo electrónico
Escrito por Adrian   

 

 

Los vecinos y vecines de dellos pueblos del conceyu, en concretu La Zoréa, Bobia, La Moñeca, el Cadaval y Campa la Teyera tan indignaos. Les nueves obres de los túneles de Riañu dexaron a estos pueblos aislaos, yá qu'al finar les obres d'estos túneles la carretera provisional que daba accesu a estes llocalidaes quedó inutilizada. Agora, los vecinos tendrán d'usar la carretera vieya, que lleva cuatro años ensín llimpiase, constantemente emplegada por camiones y que ta dafechamente inutilizable.

Leer más...
 
Dec
17
2012
Conceyu Abiertu por Llangréu alerta de dos vertederos illegales na cai Molín del Sutu de La Felguera. PDF Imprimir Correo electrónico
Escrito por Adrian   

 

 

La cai Molín del Sutu, asitiada na llocalidá de La Felguera, presenta un aspectu llamentable. L'abandonu'l gobiernu llocal d'esta cai llangreana ye manifiestu y munches persones alerten del desaniciu, pasu ente pasu, d'esta zona felguerina, na qu'entá trabaya abonda xente y viven munchos vecinos. La carretera presenta un aspectu bien meyorable, munches de les cases de la zona van camín d'esbarrumbase y la llimpieza d'esta zona ye bien deficitaria. Estos problemes s'agraven ainda más cuando atopámonos con dellos vertederos illegables na zona.

Leer más...
 
Dec
09
2012
Conceyu Abiertu por Llangréu refuga la lliquidación de los Talleres Jesús Álvarez. PDF Imprimir Correo electrónico
Escrito por Adrian   

Esta selmana salió a la lluz una permurnia noticia más pal emplegu en Llangréu y el futuru d'esti conceyu. La direición de los Talleres Jesús Álvarez presentó una propuesta d'ERE bien clara: 16 despidos, 24 trabayadores con regulación temporal del so emplegu durante dos años y l'amenorgamientu de la xornada llaboral a tres persones d'alministración. Esta empresa ta asitiada nel Polígonu de Valnalón y la so xera ye facer productos de mecanización precisa, componentes pa xeneradores eólicos y válvules industriales.

La plantilla d'estos talleres felguerinos refugó los planes de la empresa la selmana pasada en conceyu de trabayadores. Agora van presentar un plan de viabilidá alternativo a la patronal, yá qu'anque nun escuenden qu'hebo menos carga de trabayu nos caberos meses confíen na viabilidá absoluta de la empresa llangreana. Amás avisen que de nun aceutar la empresa les sos condiciones, que nun dexen de ser les meyores pa los trabayadores y pa Llangréu, pasaran a les movilizaciones.

Dende Conceyu Abiertu por Llangréu queremos dexar nidio que:

  • L'actitú de la empresa ye irresponsable. Nestos momentos, onde'l Pueblu Trabayador ta sufriendo les consecuencies de la crisis capitalista, la direición de Talleres Jesús Álvarez presenta un ERE que quier lliquidar la empresa dafechu. Lo ciertu ye que da la sensación que la situación nun merez llegar a una situación d'esti tipu.

  • Queremos tresmitir tola nuesa solidaridá a les persones d'esta empresa que tan viéndose afeutadas pol determín de la empresa y llamar a la ciudadanía de Llangréu a tresmitir tamién la so solidaridá. Amás, tamién querer aplaudir y animar la iniciativa de los trabayadores na defensa de los puestos de trabayu.

  • Pidimos al gobiernu llocal iniciativa con esti asuntu y que puxe pol emplegu en Valnalón. Los gobernantes llocales tienen de facer presión énte la empresa y posicionase del llau de los trabayadores

  • Pa finar, dende Conceyu Abiertu por Llangréu queremos alertar de que más de venti talleres metálicos echaron el peslle dende qu'españó la crisis capitalista namás nel nuesu conceyu, lo que supón el desaniciu de más de 350 puestos de trabayu nesti tipu d'industries.


¡SOLIDARIDÁ CON TALLERES JESÚS ÁLVAREZ!

¡PUXA LA LLUCHA OBRERA!

¡POR UN LLANGRÉU PA VIVIR Y TRABAYAR!

 
Dec
07
2012
Conceyu Abiertu por Llangréu en solidaridá col coleutivu trabayador d'Aguas de Langreo PDF Imprimir Correo electrónico
Escrito por Adrian   

 

 

La empresa mixta Aguas de Langreo (51 % Ayuntamientu / 49% Aqualia) decidió retirar esti añu la paga estra de Navidá a los sos emplegaos, qu'axunten una plantiya de 42 persones. Los y les trabayadores anuncien qu'en nengún momentu la empresa, controlada pol gobiernu llocal, intentó negociar con ellos y que tan acabantes de conocer esti recorte llaboral por mediu de la prensa. Asina, l'Ayuntamientu y Aqualia tomaron esti determín de forma unilateral y executaron esti recorte al coleutivo trabayador d'Aguas de Langreo.

Leer más...
 
Nov
29
2012
Conceyu Abiertu por Llangréu pide más tablones informativos públicos nel conceyu PDF Imprimir Correo electrónico
Escrito por Adrian   

 

 

Echando la vista d'unos años p'atrás hasta'l día de güei una de les constantes nel Conceyu de Llangréu foi la represión a asociaciones polítiques o sociales pol fechu d'apegar propaganda. Millonaries multes cayeron a dellos coleutivos pol simple fechu d'apegar propaganda, anque paez ser que'l criteriu del Ayuntamientu nun ye'l mesmu pa toos. Estremaos coleutivos lleven años denunciando esta represión y el doble raseru del gobiernu conceyil. El PSOE de Llangréu y l'Ayuntamientu munches vegaes evidenciaron esi doble raseru apegando cartelos informativos en zones nes que según ellos mesmos nun ta permitio apegar cartelos, como les marquesines d'autobús.

Leer más...
 
<< Inicio < Anterior 1 2 3 4 5 6 7 8 9 10 Siguiente > Fin >>

Página 6 de 11
Banner