NOREÑA
Feb
09
2012
Conceyu Abiertu propón una Ordenanza municipal pal usu de la llingua asturiana nel Conceyu de Noreña PDF Imprimir Correo electrónico
Escrito por Toño   

Presentó una propuesta al restu de formaciones col oxetivu d’intentar que s’apruebe por unanimidá prosimemente.

 

Conceyu Abiertu por Noreña presentó-yos al resto d’organizaciones polítiques del conceyu (PSOE, IPÑ, PP, FDLI, FAC, IDEAS) una propuesta d’Ordenanza municipal pal usu de la llingua asturiana nel Conceyu de Noreña pa que la puean estudiar y/o facer propuestes de cara a llevala a los órganos de decisión del conceyu prosimamente.

 

Conceyu Abiertu por Noreña espera poder reunise con representantes de toles organizaciones, de cara a recoyer les sos impresiones y propiciar l’aprobación d’una ordenanza por unanimidá. Sería la primera vez que Noreña se dote d’una normal llocal sobre la llingua propia del conceyu, se reconozan los drechos llingüísticos de tolos vecinos y vecines, se regule l’usu nel ayuntamientu y dalgunes midíes de promoción y normalización. Ye por ello que sería preferible aprobalo tolos grupos, siendo amás la llingua patrimoniu de tolos noreñenses independientemente de la so ideoloxía.

Leer más...
 
Jan
25
2012
Conceyu Abiertu denuncia l'usu de toponimia non oficial nel enllaz a l'autovía minera de Ferrera PDF Imprimir Correo electrónico
Escrito por Toño   

 

 

- Nun se respeta la toponimia oficial ya invéntase “La Ferrera”.

 

- Conceyu Abiertu por Noreña va llevar l'asuntu al Plenu.

 

Ante la instalación de señalización toponímica nel enllaz de Noreña cola Autovía Minera Conceyu Abiertu per Siero y Conceyu Abiertu per Noreña quieren denunciar que nun se respeta la toponimia oficial, dándose'l casu que la oficial “Ferrera” se convierte en “La Ferrera”, apaeciendo amás “La Ferrera de Abajo” y “La Ferrera de Arriba”, en llugar de les denominaciones oficiales “Ferrera de Baxo” y “Ferrera de Riba”.

Leer más...
 
Dec
21
2011
Posición pal Plenu Estraordinariu de Noreña del 22 d'avientu PDF Imprimir Correo electrónico
Escrito por Toño   

Tocántenes al PRIMER PUNTU del orde del día, ESPEDIENTE DE MODIFICACIÓN PRESUPUESTARIA n21/2011, queremos espresar lo siguiente:

1) Entendemos que seya necesario facer la modificación pa nun perder la posibilidá de pagar les factures que debe l’Ayuntamientu (les recibíes fasta'l 30/11/11, incluyendo 5 factures pendientes del 2010 que nun se recoyeron nel créditu ICO pidíu y escluyendo 80.000€ que se deben a CADASA). El dineru sal básicamente de créditos yá amortizaos, de partíes relacionaes cola policía llocal, que, o yá se ficieron o sobraron esti añu, y tamién del aforru en sueldos de los políticos (¡unos 70000 euros en 6 meses!). Esto pon de manifiestu lo bono que ye pa les cuentes de Noreña que los políticos nun sangren les arques municipales yá que, prácticamente,  con dexar de cobrar o contener fuertemente'l gastu nos dos años anteriores fácilmente se finaría l'añu con un saldu positivu, o poco negativu. Agora bien, facer esta modificación ye por cuenta de que se trabaya con un presupuestu prorrogáu por cuenta de que l'anterior gobiernu municipal nun foi a cuadrar, nin a aprobar les cuentes del 2009. Amás, al parecer, naide tien la culpa d'esa situación y naide ta buscando responsabilidaes.

Leer más...
 
Nov
30
2011
Mapa de riesgos y barreres de Noreña PDF Imprimir Correo electrónico
Escrito por Toño   

 

 

Conceyu Abiertu por Noreña presenta un mapa participativu col oxetivu de ser ferramienta de denuncia, prevención y d’actuación política, la primera denunciar los numberosos pasos de peatones ensin adaptar y qu'incumplen la llei.

Conceyu Abiertu por Noreña ta acabante d’asoleyar un Mapa de Riesgos y Barreres de Noreña que se pue consultar en internet y ta abiertu a la collaboración ciudadana pa siguir completándolu. L’oxetivu ye facer un mapa lo más completu posible que permita visualizar distintos riesgos, barreres arquitectóniques y otra serie de circunstancies sobre les que se ve conveniente llamar la atención. Amás, el mapa complétase y compleméntase con una galería de fotodenuncies recoyíes nel mapa. Pa participar y collaborar hai qu’unviar la fotografía (col so asitiamientu y la problemática) al corréu: Esta dirección electrónica esta protegida contra spambots. Es necesario activar Javascript para visualizarla Esta dirección electrónica esta protegida contra spam bots. Necesita activar JavaScript para visualizarla . El mapa, qu’agora recueye mediu centenar d’incidencies, va dir actualizándose periódicamente col material recoyíu y la intención de Conceyu Abiertu ye llevar alantre iniciatives pa iguar no posible les riesgos y barreres recoyíos.

Leer más...
 
Nov
16
2011
Conceyu Abiertu por Noreña sigue cola campaña “Les viesques, pa les persones”. PDF Imprimir Correo electrónico
Escrito por Toño   

Depués del esitosu primer repartu d’árboles el sábadu pasáu en La Playina, esti prósimu sábadu 19 de payares dende les 13:00 hores fairase un nuevu repartu en la zona de L’Apeaderu, a toles persones interesaes.

Conceyu Abiertu por Noreña, como medida de collaboración pola sostenibilidá del mediu ambiente, anició la campaña “Les viesques, pa les persones”  coincidiendo cola cellebración esti 2011 del Añu Internacional de les viesques que tien l’enfotu de facer tomar mayor concencia de que les viesques son parte integrante del desarrollu sostenible del planeta debío a los beneficios económicos, socioculturales y ambientales que proporcionen. La campaña “Les viesques pa les persones” basase na donación d’árboles a cualesquier persona interesada, collaborando asina col repoblamientu mundial. Nesti casu con árboles autóctonos como’l bedul, la castañal, la faya, el carbayu o la sufrera.

Leer más...
 
Nov
10
2011
Pidimos el cumplimientu del alcuerdu de 1998 pa la construcción d'una 'U' en Noreña PDF Imprimir Correo electrónico
Escrito por Toño   

Conceyu Abiertu por Noreña presentó nel rexistru del Ayuntamientu la siguiente moción pa dar cumplimientu al alcuerdu de 1998 pa la construcción d'una "U" de patinaxe y que, como otros munchos, entovía nun se cumplió.

ESPÓN:

Que pa Conceyu Abiertu por Noreña ye una prioridá que'l Conceyu cumpla los alcuerdos que'l Plenu Municipal aprueba y que estos nun queden en “sacu rotu”. Por ello, ye prioritariu dir cumpliendo los alcuerdos pendiemtes. Consideramos qu'esti cumplimientu de los alcuerdos ye básicu y normal nel funcionamientu de la institución. 

Nesti sentíu, el Conceyu dexó de cumplir, ente otros, l'alcuerdu plenariu de 30 de xineru de 1998 sobre la construcción d'una U de patinaxe. Nesi Plenu tolos grupos con representación (PSOE, IX, PP y Centristes Asturianos) votaron unánimemente a favor de la moción presentada por Izquierda Unida, solicitando:

- La construcción d'una U de patinaxe, que s'escoyera pal so allugamientu un llugar céntricu, de bon accesu y con poco tráficu y que se cuntara, pal so diseñu y construcción, con persones que practiquen esti deporte.

Leer más...
 
<< Inicio < Anterior 1 2 3 4 5 6 7 Siguiente > Fin >>

Página 3 de 7
Banner
Grupos de Google
Soscribise a Conceyu Abiertu por Noreña
Corréu ellectrónicu:
Consultar esti grupu
Banner