SAMARTÍN DEL REI AURELIO
Sep
17
2012
Conceyu Abiertu por Samartín del Rei Aurelio reclama l'esbroce y la llimpieza na vía L'Entregu-Bimenes PDF Imprimir Correo electrónico
Escrito por Adrian   
L'Asociación de Vecinos La Güeria Carrocera lleva yá un tiempu reclamando al Principáu trabayos de llimpieza y esbroce na carretera AS-338, que comunica L'Entregu con Bimenes. La última petición formal d'esta asociación vecinal ye d'entamos d'añu y entá estos vecinos de La Güeria Carrocera recibieron una rempuesta'l Principáu pa qu'actúe nesta vía autonómica. Coincidimos colos vecinos na necesidá d'una actuación urxente nesta carretera, yá que los llaos de la vía tan tomaos pola vexetación y les cunetes tan saturaes, nun drenando l'agua en casu lluvia y faciendo esta situación que l'agua desbórdese pela calzada ya inclusu entre nes cases de la xente. Amás, dalgunes de les señales de seguridá de la carretera nun se ven, lo que podría xenerar situaciones de peligru.
Leer más...
 
Jul
29
2012
Conceyu Abiertu por Samartín esixe la dimisión del alcalde del conceyu Enrique Fernández PDF Imprimir Correo electrónico
Escrito por Adrian   
L'alcalde del Conceyu de Samartín del Rei Aurelio, Enrique Fernández, del PSOE, cobró 182,57 euros en conceptu de dieta completa y media dieta de manutención de gastos pol simple fechu d'acudir a la manifestación que se cellebró en Madrid el pasáu 11 de xunetu en sofitu del futuru del carbón. L'escándalu salió a la lluz nun plenu municipal y paez ser qu'otros ediles del PSOE de la Cuenca del Nalón pudieron percibir tamién dineru por esti fechu.

Dende la formación de ciudadanos Conceyu Abiertu por SMRA queremos espresar la nuesa refuga y la nuesa indignación con esta situación. Atalantamos que l'actual alcalde de SMRA Enrique Fernández debería pidir perdón públicamente a los nuesos vecinos y dimitir darréu como forma de rectificar de forma honesta. Poro, pidimos públicamente la dimisión d'Enrique Fernández como alcalde del municipiu depués d'esti casu de corrupción y escándalu éticu. Amás too paez indicar qu'esti alcalde cobró'l so salariu'l 18 de xunetu, día nel qu'en les cuenques mineres teníemos convocada una fuelga xeneral, que por ciertu esti señor dixo sofitar.

Leer más...
 
Apr
08
2012
Conceyu Abiertu por Samartín denuncia’l descontrol económicu de la Casa Conceyu PDF Imprimir Correo electrónico
Escrito por Toño   
La Sindicatura de Cuentes d’Asturies espublizó un informe nel que se recueyen les conclusiones de la so fiscalización a cuatro conceyos, énte ellos el de Samartín del Rei Aurelio, depués de qu’en 2008 nun presentaren de mena afayaíza les sos cuentes. Nel informe del organismu, ésti espeya que la Casa Conceyu de Samartín nun rinde cuentes correutamente, amosando numberosos desequilibrios presupuestarios que lleven a situaciones de déficit, asina como’l desendolcu de procedimientos de contratación d’obres y servicios que nun tan argumentaos enforma. Poro, dende Conceyu Abiertu por samartín queremos denunciar éstes deficiencies qu’afeuten negativamente a la xestión del Ayuntamientu y, en consecuencia, a los servicios qu’ésti ufierta a los ciudadanos y ciudadanes, anguaño en recorte en munchos casos pola falta de presupuestu.
Leer más...
 
Dec
28
2011
Conceyu Abiertu por Samartín sofita al vecín de Blimea a la gueta d’un trabayu dignu PDF Imprimir Correo electrónico
Escrito por Toño   

Ángel Catalán, vecín de Blimea y actualmente en situación de paru, entamó un viaxe a pie a Madrid cola fin d’entregar un curriculum a l’actual ministra de Trabayu española Fátima Bañez.

La situación d’esti asturianu ye mui asemeyada a la que tienen que sufrir miles de mozos y paisanos d’Asturies. Esti ciudadanu del nuestru conceyu tien 51 años d’edá y lleva yá 3 d´ellos nel paru dempués d´haber  perdío´l so trabayu como conductor de camión. Actualmente ta cobrando’l subsidiu de 420 €  pa desempleaos a los que yá nun-yos correspuende’l paru.

Ángel Catalán tien previsto que la so caminata dure alrodiu d’unos  25 duros  díes. Poro, dende Conceyu Abiertu por Samartín queremos sofitar al nuestru vecín. Queremos facer ver a la sociedá que situaciones desesperaes como la d’Ángel puen vese tolos díes en milenta viviendes d´asturianes y asturianos. El paru ta siendo la ferramienta más agresiva del capital, ta golpeando con dureza a los seutores más desfavorecíos. Les últimes cifres publicaes son alarmantes, amás de que la previsión pal futuru inmediatu nun ye nada optimista, pudiendo llegar a superase´l 23% de población ensin trabayu. Asturies roza los peores niveles de desempléu de les caberes décades. Poro, ye probable que situaciones como la d’esti vecín de Blimea se repitan nel futuru inmediatu. El pueblu nun aguanta más. Ye’l momentu de los fechos y de buscar soluciones directes p´afrontar la problemática actual na que mos tienen sometíos.

Dende Conceyu Abiertu por Samartín amosamos dafechamente’l nuestru sofitu a Ángel Catalán, animándolu nesta valiente iniciativa y deseándo-y con toles fuerces qu’algame esti noble obxetivu que nun ye otru que ún de los principales drechos que recueye’l , per otra parte, obsoletu testu constitucional: el drechu a un TRABAYU DIGNU.

 
Oct
16
2011
Marcha pela Sienda de Santa Bárbola PDF Imprimir Correo electrónico
Escrito por Toño   

 

Conceyu Abiertu en Samartín del Rei Aurelio organiza una marcha a pie pela sienda La Bobia – La Colladiella pal próximu sábadu 29 d’ochobre con salida dende’l pueblu de Perabeles a les 9:00 hores y tornada aprosimada al mesmu pueblu a les 17:00 hores.

 

Trátase d’un percorríu pel Valle de Santa Bárbola caminando dafechamente dientro del Paisaxe Protexíu de les Cuenques, visitando molinos d’agua, dalgunos d’ellos restauraos y funcionado y otros en ruines. Tamién pasaremos per áries de recréu, per viesques de castañales, de fayes, podremos contemplar cuadres y cabañes nos praos y mayaos, cruzaremos riegues cantarines y ríos trucheros y quitaremos la sede,si mos peta, en fresques fontes naturales.

Leer más...
 
<< Inicio < Anterior 1 2 3 4 5 6 Siguiente > Fin >>

Página 4 de 6