SAMARTÍN DEL REI AURELIO
Dec
16
2013
Conceyu Abiertu por Samartín sofita'l comerciu llocal PDF Imprimir Correo electrónico
Escrito por Conceyu Abiertu por Samartín   

 


 

Dende Conceyu Abiertu por Samartín queremos animar a la sociedá del nuesu conceyu a que utilice al pequeñu comerciu llocal pa mercar les necesidaes que-y faigan falta. Ye una forma de da-y vitalidá a los servicios que tenemos en Samartín y de sofitannos los vecinos y vecines los unos a los otros, xenerando asina un movimientu positivu dientro de los nuesos pueblos ensin la necesidá de seguir dando-y perres a les grandes multinacionales que poco invierten n’estes villes tradicionales y auténtiques nes que vivimos. El pueblu ye’l que-y da vida, futuru, fuercia y soberanía al pueblu.

 
Sep
11
2013
Conceyu Abiertu por Samartín llimpió la cancha de Bedavo y la so redolada PDF Imprimir Correo electrónico
Escrito por Conceyu Abiertu   

 


 

 Ente la clara falta de personal de llimpieza necesariu pal correchu mantenimientu de delles zones del conceyu y l'actitú incívica de determinaes persones,dende Conceyu Abiertu por Samartín procedimos na mañana de güei a la llimpieza de la zona de la cancha de Bedavo (L'Entregu) y la so redolada.


Con esta aición simbólica queremos dar un toque d'atención a los responsables d'esta situación y reclamar que nun s'escaezan estes zones del nuesu conceyu.
Asina queremos pedir que se cubra'l personal necesariu pal correchu disfrute de toles zones del conceyu.

 
Jul
15
2013
Decoramos les cais de Sotrondio coincidiendo coles fiestes PDF Imprimir Correo electrónico
Escrito por Adrian   

 


 

Coincidiendo coles fiestes de Sotrondio durante la fin de selmana, dende Conceyu Abiertu por Samartín trabayamos en dellos murales y pancartes vindicatives, pa reclamar que queremos un conceyu pa vivir y trabayar, remanáu polos vecinos y vecines. Pa ello vindicamos la necesidá de la llucha. Porque con llucha, hai futuru pal nuesu conceyu de Samartín.

 

 

 

 
Jun
09
2013
Conceyu Abiertu por Samartín denuncia: PDF Imprimir Correo electrónico
Escrito por Adrian   

 

 

Esta ye la seguridá que l'Ayuntamientu de Samartín ofrez a los vecinos y vecines del conceyu y en especial a la vecindá de Blimea. Dos maeros mal puestos y una cinta de baliza eviten que la xente nun caiga'l riu dende una altura considerable. Cabe destacar qu'esta ye un zona bastante transitá dientro'l nuesu pueblu y que delles persones con neños tan refugando el pasear per ehí pol riesgu que supón pa los más pequeños.

 
Mar
20
2013
Énte los datos de contaminación en Samartín PDF Imprimir Correo electrónico
Escrito por Adrian   
 

Dende Conceyu Abiertu por Samartín pedimos que se faigan públiques pa la vecindá del conceyu les fuentes de les altes tases de dioxidu d'azufre presentes nel nuesu conceyu y en especial na llocalidá de Sotrondio. Dende la nuesa organización pedimos responsablidaes direutes al Principáu ya que camentamos que debería ser el principal garante de la seguridá y el responsable de les investigaciones oportunes que evitasen esti tipu de situaciones. Fechos como estos nun faen más que mostrar la ineficacia de estes intituciones y a la par la dexadez y el marxinalismu nel que quieren sumir les cuenques.

 
<< Inicio < Anterior 1 2 3 4 5 6 Siguiente > Fin >>

Página 1 de 6