NOTICIES
May
07
2015
#LluchandoPolaSoberanía y la oficialidá PDF Imprimir Correo electrónico

 


 

 

Esti Día de les Lletres el Pueblu Asturianu tien otra cita coles cais na manifestación convocada a les 19:30 dende la Estación del Norte (Uviéu) reivindicando la oficialidá del asturianu y el gallego-asturiano.

 
La situación de la comunidá asturfalante sigue siendo un reflexu de la situación que vive la sociedá asturiano, col dominiu de les fuercies sucursalistes y les redes que foron texendo al  so alredor durante les caberes décades. La falta de drechos na cuestión  llingüística ye una más, dientro de la carencia xeneral de drechos  democráticos esistente.
  
Ye evidente l’intentu d’aculturización y asimilación del  castellán que vien desendolcando l’Estáu español n’Asturies, que tien el so  interés nel proyeutu homoxenizador que les oligarquíes apliquen col  envís d’amatagar toa manifestación nacional que ponga en peligru los sos  intereses económicos.
  
Poro,  consideramos que’l conflictu llingüísticu tien un componente políticu  innegable, polo que l’alternativa soberanista tien que tornar a  visibilizase como un proyeutu lliberador en toles vertientes de la  sociedá.Ye por ello polo que llamamos a participar dientro'l bloque #LluchandoPolaSoberanía.
 
Apr
28
2015
1u Mayu: #LluchandoPolaSoberanía como Muyeres, Clas y Pueblu PDF Imprimir Correo electrónico
 
 
Otra vegada alcontrámonos énte un nuevu 1u Mayu, día Internacional de les Trabayadores, y un añu más atopámonos tamién con muncho que reivindicar y poco que cellebrar. La situación pa les clases populares asturianes, lloñe d'ameyorar, siguen empiorando en cuestiones como les condiciones llaborales, un desemplegu que namái se maquilla nes llistes como consecuencia de la perda de población activo, xubilaciones y emigración de la mocedá, o unes prestaciones sociales cada vegada más ruines y menguando'l númberu de persones beneficiaries.

Ante ello, la rempuesta del Estáu ante quien protesta por esta situación, nun ye otra que l'endurecimientu de la represión, con una "Ley Mordaza" que formaliza una escalada represiva que ye una realidá nes cais pa toa voz crítica.

Faise imprescindible polo tanto que'l 1u de Mayu, como'l restu de díes del añu, el pueblu asturianu salga a les cais a lluchar por un necesariu cambiu pa la murnia situación que vivimos como muyeres, como clase obrera, y como pueblu asturianu. Nesi sen, un añu atrás entamaba un nuevu espaciu que vien visibilizándose nuna bayura de movilizaciones nel país: los bloques #LluchandoPolaSoberanía, como una espresión d'una forma nueva d'entender la izquierda soberanista por parte d'una parte perimportante de les organizaciones y persones que componen esta iniciativa.

Ye una realidá la necesidá de construyir un movimientu soberanista que resulte una ferramienta afayaíza pal pueblu asturianu, construyendo dende les propuestes no teórico, y dende'l día a día nes cais. El trabayu dende la base ye la clave que, lloñe d'eleutoralismos, tien que llevar a l'afitamientu y espoxigue como movimientu, siendo pa Conceyu Abiertu clave'l trabayu dende los distintos conceyos del país p'avanzar na unidá popular dende abaxo que mos permita construyir una mayoría social alredior de la Izquierda Soberanista, escaeciendo lluches partidistes y personalismos, en clave de movimientu.

Poro, dende Conceyu Abiertu sofitamos la manifestación de CSI, CGT y SUATEA, considerando qu'una vegada más hai que tar col sindicalismu alternativu, honráu y combativu del país, frente a les práutiques caciquiles y desmovilizadores de los cada vegada menos mayoritarios. Y dientro d'esta movilización, llamamos a la participación nel bloque #LluchandoPolaSoberanía, pa siguir construyendo otru camín d'unidá, trabayu nes cais, y construcción d'un proyeutu de país.
 
Sep
04
2014
8 setiembre: #LluchandoPolaSoberanía nel Día de la Nación Asturiana PDF Imprimir Correo electrónico

 

 

 

 Esti 8 setiembre Uviéu va a acoyer dellos actos col llema “Pa tresformar Asturies #LluchandoPolaSoberanía”, frutu d’un procesu de conceyos abiertos pa la so organización, que destaquen pola amplia representatividá nellos de los distintos seutores de la esquierda soberanista asturiano.

Leer más...
 
Jul
02
2014
Conceyu Abiertu en solidaridá coles compañeres de la CSI PDF Imprimir Correo electrónico

 

 

Dende'l movimientu soberanista Conceyu Abiertu queremos asoleyar públicamente'l nuesu sofitu incondicional a les compañeres de la CSI, que na mañana de güei Miércoles foron desagospiaes de los llocales que llexitimamente veníen de recuperar pa la causa de los y les trabayadores na Casa Sindical d'Avilés.

Leer más...
 
Jun
12
2014
Cellebraes les xornaes cola CUP PDF Imprimir Correo electrónico

 

 

Raimon Ráfols y Marc Font, conceyales de la CUP en Vilanova i la Geltrú, viaxaron a Asturies pa participar nes xornaes sobre Soberanismu y xunidá popular desendolcaes n'Uviéu y Xixón. Nes mesmes desplicaron la esperiencia del proyeutu popular en Catalunya, con prestosos alderiques y otres actividaes, como xintes ya espiches. Tamién intervinieron, en nome de Conceyu Abiertu, el conceyal Pablo Pérez, asina como'l Coordinador Nacional, Mariu Arbesú.

 
<< Inicio < Anterior 1 2 3 4 5 6 7 8 9 10 Siguiente > Fin >>

Página 1 de 20

CONCEYU ABIERTU POR

  

SÍGUINOS TAMIÉN EN