NOREÑA
Jul
21
2011
Que naide nun tenga pena. Reflexón tres el plenu d'organización de Noreña PDF Imprimir Correo electrónico
Escrito por Toño   

A resultes de lo asocedío nel últimu plenu noreñense y viendo la interpretación victimista que faen el Sr. Alcalde y la Sra. secretaria de política municipal de la Federación Socialista Asturiana, Adriana Lastra, dende Conceyu Abiertu queremos desplicar que se faló n’esi plenu y cómo fue la soberbia y l’avaricia del PSOE y IDEAS la que nun fizo posible qu’algamaran les tan necesaries y “xustes” lliberaciones que queríen.

Pues bien, pa entamar eso que diz el Alcalde de que «No es de recibo que, tras unas elecciones, el único tema sea cuánto va a cobrar el Alcalde», ye mentira por varies razones, primero porque dende Conceyu Abiertu presentámos-y mociones y peticiones referentes al puente’l rebalde, al estáu de cuentes, al tema los fedores… y lo que pasó foi que nun recibimos rempuesta nin tampoco propuesta denguna relativa a esos temes, nin a los que se tienen que tratar por llei nel primer plenu del Ayuntamientu y qu’anque l’alcalde finxa sorprendese, son media docena de puntos, parte los cuales nin siquiera se voten sinon que direutamente ye lo que diga’l alcalde. Estos puntos a tratar son: la periodicidá de los plenos, el númberu de comisiones, los miembros de la comisión de gobiernu, les representaciones en organismos fuera del Ayuntamientu, los sueldos y lliberaciones y les dietes por asistencia a plenos, comisiones y delegaciones. Poro, ye normal que se fale del sueldu del alcalde y de cuanto debe l’Ayuntamientu y de cómo tan les cuentes y de munches coses más, pero claro ta que tamién comprendemos por qué hai xente que preferiría qu’el pueblu falare de lo feu que tal tiempu.

Leer más...
 
Jul
14
2011
Conceyu Abiertu por Noreña propón que nun haya denguna persona lliberada. PDF Imprimir Correo electrónico
Escrito por Toño   

 Denuncia falta de tresparencia sobre la situación de les cuentes del Ayuntamientu.


Dempués de interesanos pol estáu de cuentes del Ayuntamientu solicitando’l 22/06/2011 los presupuestos de 2009, 2010 y la prorrogación pal 2011 y pidiendo’l 28/06/2011 directamente un “Informe económicu onde s’especifiquen les deudes que pueda tener l’ayuntamientu (a acreedores y crediticies)” y nun recibir rempuesta nenguna, Conceyu Abiertu por Noreña (CA NOREÑA), lo mesmo que tolos ciudadanos y ciudadanes, alcuéntrase nuna situación de desconocimientu de la realidá económica del conceyu.

Pensamos que l'estáu de les cuentes del Ayuntamientu tien que ser una información pública y accesible pal conxuntu la ciudadanía, pero ta claro que nun ye asina y a resultes d’ello ye mui difícil, pa Conceyu Abiertu y pa cualquiera, poder presentar una propuesta d’organización y retribuciones. Poro, paeznos que sin saber l’estáu les cuentes y la capacidá real d’ingresos d’esti Ayuntamientu, facer un debate en torno a salarios y retribuciones ye poco eficaz y fasta imprudente.

Leer más...
 
Jul
02
2011
Presentada una moción pa la inclusión de la situación del puente d’El Rebalde nel prósimu plenu de Noreña PDF Imprimir Correo electrónico
Escrito por Toño   

Pídese’l total cumplimientu del alcuerdu plenariu del 26-11-1999, al respective del desmonte y reconstrucción de la ponte ferroviara de El Rebalde na villa.

Conceyu Abiertu por Noreña (CA NOREÑA) solicitó l’acta del pleno municipal de 26-11-1999 nel que s’aprobó la moción presentada d’urxencia pol daquella portavoz del Grupu Municipal Socialista Juan A. Junquera y que foi aprobada por unanimidad de los grupos representaos, URAS (6), PSOE (3), IU (1) y PP (1). Conceyu Abiertu considera que nun se cumplió l’alcuerdu plenariu yá que nun se reconstruyó nin se buscó un llugar afayaizu pa ello y pol contrario va pa 12 años que s’alcuentra abandonáu nuna finca municipal en grave riesgu. Ye por ello que se presenta al Plenu una moción pa renovar l’alcuerdu y finar de cumplir colo alcordao d’aquella.

Leer más...
 
Jun
12
2011
Pablo Pérez tomó posesión prometiendo por imperativu llegal y n'asturianu PDF Imprimir Correo electrónico
Escrito por Toño   
 
Pablo Pérez Fonseca tomó posesión del cargu de conceyal nel Ayuntamientu Noreña na sesión de constitución de la nueva corporación. El conceyal de Conceyu Abiertu por Noreña féxolo prometiendo por imperativu llegal y usando la llingua asturiana. Na primer intervención nel plenu Pérez tamién uso l'asturianu lo mesmo que va facer demientres la llexislatura.
Leer más...
 
Jun
12
2011
Conceyu Abiertu por Noreña votó pol cambiu nel Ayuntamientu PDF Imprimir Correo electrónico
Escrito por Toño   

 

Na sesión de conformación del nuevu Ayuntamientu votó cambiu y decidió sofitar al candidatu d’Independientes por Noreña (IPÑ)

 

Tres la cellebración de dos conceyos abiertos onde taben convocaos los vecinos y vecines de Noreña que quixeren participar, Conceyu Abiertu por Noreña ( CA NOREÑA) decidió por unanimidá votar a favor de la candidatura para Alcalde de José Ángel Blanco, candidatu de l’agrupación d’ellectores Independientes por Noreña (IPÑ) poles razones siguientes:

Leer más...
 
Jun
10
2011
Toma de posesión del conceyal de Noreña PDF Imprimir Correo electrónico
Escrito por Toño   

 


 

Esti sábadu cellébrase la sesiónd e conformación de nuevu ayuntamientu de Noreña a les 12:00 hores nel Salón de Plenos de la Casa Conceyu. Nelli, Pablo Pérez Fonseca, conceyal ellectu de Conceyu Abiertu por Noreña va tomar posesión del so cargu al travies de la fórmula de promesa por imperativu llegal. Vecinos y vecines tan llamaes a acompañar al conceyal del pueblu al Ayuntamientu. Nesta sesión ye'l momentu d'escoyer alcalde y el representante de Conceyu Abiertu por Noreña llevará la posición alcordada nel caberu conceyu abiertu cellebráu esti xueves nel que igual que nel del anterior del vienres 5 participaron más de 30 persones.

 
<< Inicio < Anterior 1 2 3 4 5 6 7 Siguiente > Fin >>

Página 5 de 7
Banner
Grupos de Google
Soscribise a Conceyu Abiertu por Noreña
Corréu ellectrónicu:
Consultar esti grupu
Banner