NOREÑA
Oct
26
2011
L’Ayuntamientu Noreña 'nun sabe nada' sobre'l puente d'El Rebalde PDF Imprimir Correo electrónico
Escrito por Toño   

Patrimoniu solicita información al Ayto “sobre quién llevó a cabu'l desmontaxe de la ponte de ferrocarril d'El Rebalde en Noreña pa riquir el cumplimientu del alcuerdu del Plenu Municipal de fecha 26 de payares de 1999 relativu a la reconstrucción de los restos de la ponte”  a lo que va responder que “nun sabe nada”.

La propuesta de Conceyu Abiertu por Noreña sobre la ponte de ferrocarril del Rebalde nun foi incluyida na orde del día de la última comisión de Cultura per decisión del Alcalde, que ye quién decidi lo que se trata y lo que non, dando amueses nuevamente del so talante democrático. De toes formes, CA NOREÑA espunxo la so propuesta de pallabra nel puntu “PONTE EL REBALDE. INFORMACIÓN”.

Leer más...
 
Oct
19
2011
La situación del puente d'El Rebalde a la Comisión de Cultura de Noreña PDF Imprimir Correo electrónico
Escrito por Toño   

 

Orixinal enantes del desmonte

 

Na Comisión de Cultura que se cellebra mañana en Noreña va tratase la situación del puente ferroviariu d'El Rebalde que s'atopa abandonáu nuna finca municipal desde que s'aprobare en plenu el desmontare y numeración, pa ser reconstruyíu en 1999.

Conceyu Abiertu por Noreña presentó una moción pa salvaguardar esti patrominiu y que se pue descargar en PDF equí

Pieces semienterraes nuna finca municipal

 

 
Oct
07
2011
La llingua asturiana sigue prohibida nel Ayuntamientu Noreña PDF Imprimir Correo electrónico
Escrito por Toño   

 


 

PSOE YA IDEAS VOTARON EN CONTRA DE QUE PUDIERA TRATASE NEL PLENU UNA MOCIÓN A FAVOR DEL DRECHU A USAR L’ASTURIANU

La moción presentada por Conceyu Abiertu per Noreña na que se pidía que'l plenu municipal pudiera tratar mociones escrites en llingua asturiana foi torgada por nun tener calter d'urxencia.

La votación na que se valoraba si incorporar a alderique nel plenu o non la moción sobre la llingua asturiana tuvo que repitise al haber un empate a cinco na primer votación. (Conceyu Abiertu con ún conceyal, IPÑ con tres y FDLI con ún votaron a favor, PSOE con cuatro ya IDEAS con ún votaron en contra mientres que PP y FORU con dos y ún respeutivamente abstuviéronse). Na segunda votación repitióse la mesma resultancia y asina foi l'alcalde Cesar Movilla (PSOE) quien col so votu calidable como alcalde y presidente del plenu resolvió l'empate votando en contra de la so almisión a plenu.

Leer más...
 
Sep
28
2011
Noreña debe tovía 123.000 euros a proveedores del trimestre caberu de 2010 PDF Imprimir Correo electrónico
Escrito por Toño   

Cesar Movilla Comunicáu de Conceyu Abiertu por Noreña énte l'anunciu del interventor del Ayuntamientu tocantenes a la delda pendiente de 2010.

Dende Conceyu Abiertu por Noreña nun comprendemos como pue siguir gobernando un alcalde que demientres casi 3 años nun fue a echar les cuentes en tiempu y forma y col resultao d’un “pufu” a proveedores de 123.000 euros de 2010 (de 2011 tovía nun se sabe) más unos 400.000 euros del canon de saneamientu.

Conceyu Abiertu por Noreña dende finales de Xunu llevamos entrugando al área d’intervención del Aytu. por un informe de cuentes y dende Xunu que tamos ablucaos ya que lo que se mos dixo ye qu’esa información cenciellamente nun esistía y que previsiblemente nun taría fasta finar l’añu 2011.

Ye menester esclariar qu’esta situación nun ye cosa del actual interventor que mos consta qu’esti funcionariu, dende que llegó n’abril de 2011, fai lo que pue -y lo que-y dexen- por desatascar la situación heredada del 2009 y 2010; una situación na que les cuentes tan mal echaes (2009) o nun tan echaes (2010) y caro al funcionariu nun-y da tiempu a iguar 2009 y 2010 y llevar al día 2011, polo que de 2011 namás ta fecho lo más urxente pa que polo menos los trabayaores cobren y se pueda llevar a cabu dalguna cosa más.

Leer más...
 
Sep
11
2011
Intervención de Pablo Pérez l'ochu setiembre PDF Imprimir Correo electrónico
Escrito por Toño   

Intervención del conceyal de Noreña nel actu políticu al final de la manifestación del Día de la Nación Asturiana.

Na curtía esperiencia que tamos algamando en Noreña no que cinca al trabayu institucional, prestaríame compartir dalgunes observaciones que van llevanos a una conclusión perimportante.

El casu ye que, per un llau, pue paicer qu’al tener representación municipal, facer política pa nós, ello ye dinamizar y tresformar la sociedá na que vivimos, dicía que pue paicer que facer política pa nós podía ser más fácil agora, y desplícome, si ye verdá que tenemos más potencia de trabayu, dalgo más de prensa qu’enantes, pero lo de que seya más “fácil” nun ye asina nin de lloñe y esto debío básicamente a 3 cuestiones qu’ensiguida comprenderéis:

La primer custión ye que la nuesa propuesta política d’izquierdes, asturiana y soberanista nun ye bien acoyía pol poder, que ve peligrar los sos privilexos, y ye por esto qu’enxamas cesarán les campañes de criminalización y represión. Faigamos lo que faigamos van tratar de tiránoslo enbaxu y esto ye dalgo colo que yá cuntábemos y tenemos que siguir cuntando.

Leer más...
 
Aug
08
2011
Conceyu Abiertu esixe la oficialidá p’acabar cola vergoñosa discriminación y represión llingüística. PDF Imprimir Correo electrónico
Escrito por Toño   

En rellación a la decisión del alcalde de Noreña Cesar Movilla de excluyir d’un plenu una moción de Conceyu Abiertu por tar redactada n’asturianu desde Conceyu Abiertu por Noreña queremos manifestar lo que bien darréu:

Que los motivos argumentaos pol alcalde pa excluyir la nuesa propuesta afitándose en que l’asturianu nun ye oficial nun son válidos porque en cualesquier casu yá esiste una Llei d’Usu y Promoción de la Llingua Asturiana que nos sos artículos 3 y 4 (Llei 1/1998, d’usu y promoción del bable/asturianu) declaren, afiten y amparen el derechu de tolos ciudadanos al llibre usu del asturianu.

Que la propia Constitución Española fala tamién de ”Protexer a tolos españoles y pueblos d’España nel exerciciu de los drechos humanos, les sos cultures y tradiciones, llingües ya instituciones”; qu’el artículu 9.2 de la mesma Constitución obliga a los poderes públicosa facer lo posible pa que la llibertá y la igualdá del individuu y de los grupos nos que s’inxer sean reales y efeutives”.

Que cola ratificación de la Carta Europea de les Llingües Rexonales o Minoritaries (BOPA de 15 de setiembre de 2001), l’Estáu español obligóse a la facilitación y/o el fomento del emplegu oral y escritu de les llingües rexonales o minoritaries na vida pública”.

Leer más...
 
<< Inicio < Anterior 1 2 3 4 5 6 7 Siguiente > Fin >>

Página 4 de 7
Banner
Grupos de Google
Soscribise a Conceyu Abiertu por Noreña
Corréu ellectrónicu:
Consultar esti grupu
Banner