Apr
11
2011
Conceyu Abiertu por Grau pieslla la so candidatura pa les prósimes elleiciones llocales. PDF Imprimir Correo electrónico
Escrito por Toño   

Nel conceyu abiertu cellebráu esta tarde na Casa la Cultura completóse la llista ellectoral que se presenta en Grau y que va encabezar Fernando Romero García.

Ye la primer vez qu'una candidatura ellectoral se fai dende un conceyu abiertu, con participación abierta de los asistentes que deciden l'orde que lleven los candidatos na llista y na que los presentes podíen autoproponese como integrantes de la mesma. Esa va ser la llínea política de Conceyu Abiertu, un proyectu asambleariu d'abaxo a riba onde son los vecinos directamente quienes deciden.

La llista encabézala Fernando Romero García, periodista nacíu n'Uviéu en 1965 y que rexenta el bar La Pepa de Grau anguaño. Siguenlu por orde Miguel Ángel Grau, estudiante mui sensibilizáu cola llucha ecoloxista; Aurora Fernández Hevia, trabayadora del Hospital Central d'Asturies y Javier Marinas, dibuxante y diseñador moscón conocíu polos sos comics sobre la hestoria d'Asturies.

Nel conceyu abiertu d'esta tarde tamién se decidió solicitar que se ponga a dimposición de les persones paraes les munches viviendes vacíes qu'esisten nel conceyu y la ampliación los escasos equipamientos deportivos pa dar serviciu a la demanda esistente. El prósimu conceyu abiertu va cellebrase el 9 de mayu a les 20:00 hores na Casa la Cultura.

Share Link: Share Link: Bookmark Google Yahoo MyWeb Del.icio.us Digg Facebook Myspace Reddit Ma.gnolia Technorati Stumble Upon Blogmarks
Comentarios
Buscar
¡Sólo los usuarios registrados pueden escribir comentarios!

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."

 
Banner