Sep
24
2014
Conceyu Abiertu por Noreña recuerda a Movilla que la llei obliga a los conceyos a retirar los simbolos fascistes PDF Imprimir Correo electrónico

En Noreña entá queden simbolos fascistes y el conceyu intenta cumplir  tarde la llei pa reparar la memoria histórica.

 

El testu de la llei de la memoria histórica aprobáu apocayá pol gobiernu d'España diz lliteralmente que "Les  Alministraciones públiques, nel exerciciu de les sos competencies, van tomar les midíes oportunes pa la retirada d'escudos, insinies, plaques y otros oxetos o menciones conmemorativas d'esaltación, personal o colectiva, de la sublevación militar, de la Guerra Civil y de la represión de la Dictadura". Amás, la llei  menciona  que les instituciones privaes que se nieguen a retiralos de manera inxustificada (lo que podría incluyir les plaques de "Cayíos por Dios y per España" nes ilesies) puedan dexar de recibir fondos públicos.

 

En Noreña, amás disponemos d'un alcuerdu plenariu de 26/11/2009 nel que s'aprueba solicitar la retirada tantu de la placa de “los cayíos por dios y per España” como d'otros elementos d'esaltación de la dictadura, d'ente los que destaquen l'escudu falanxista de casar cuartel de la Guardia Civil, la placa y les plaques sitas en distintos edificios  de viviendes conteniendo los emblemes col xugu y les feches. 

 

Ye, cuantimenos, curioso qu'una llei promovida y aprobada pol PSOE precisamente tea siendo acatada por conceyos onde ésti nun gobierna y sicasí n'otros, como Noreña, asoceda lo contrario. 

 

Conceyu Abiertu per Noreña, poro, emplaza al conceyu de Noreña gobernáu por PSOE a que nun resalve más la lexislación aprobada tantu a nivel estatal como a nivel municipal y a que ponga l'enfotu y  voluntá necesariu pa retirar de forma efectiva tolos símbolos, escudos  y plaques dedicaos a aponderar a responsables del golpe militar y de la represión  que tanto dañu fixo a Asturies y al so pueblu trabayador.

Share Link: Share Link: Bookmark Google Yahoo MyWeb Del.icio.us Digg Facebook Myspace Reddit Ma.gnolia Technorati Stumble Upon Blogmarks
Comentarios
Buscar
¡Sólo los usuarios registrados pueden escribir comentarios!

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."

 

CONCEYU ABIERTU POR

  

SÍGUINOS TAMIÉN EN