Sep
04
2014
8 setiembre: #LluchandoPolaSoberanía nel Día de la Nación Asturiana PDF Imprimir Correo electrónico

 

 

 

 Esti 8 setiembre Uviéu va a acoyer dellos actos col llema “Pa tresformar Asturies #LluchandoPolaSoberanía”, frutu d’un procesu de conceyos abiertos pa la so organización, que destaquen pola amplia representatividá nellos de los distintos seutores de la esquierda soberanista asturiano.

Conceyu Abiertu apuesta un añu más por dá-y a esta fecha un importante conteníu de reivindicación nacional, como  Día de la Nación Asturiana, en contraposición a los actos oficiales organizaos pol “Principado” y otres instituciones, nos que dominen l’autocomplacencia y el llaváu de cara de les polítiques –y los responsables de llevales alantre- que lleven esfarrapando Asturies toes estes décades.

Conceyu Abiertu entiende esta fecha como de reivindicación d’Asturies como “nación hestórica”, y polo tanto, del llexítimu drechu d’autodetermín tanto de nuesu pueblu, como del restu que componen l’Estáu español. Les polítiques aculturizadores del gobiernu asturianu y munchos conceyos siguen desendolcándose, asina como la marxinación consciente de les señes identitaries propies. La falta de drechos llingüísticos d’ una parte bien considerable de los y les asturianes, la precaria situación de la llingua asturiana y el so profesoráu  na enseñanza, o’l puxu con perres públiques de corríes de toros o feries d’abril, son exemplos bien visibles de too ello.

Nun ye meyor la situación nel tarrén económico y político, onde’l gobiernu de la FSA-PSOE –sofitáu tamién nesta llexislatura por IU y UPyD- caltién el so fonderu sucursalismu. Retayos nos servicios públicos que superen con creces les desixencies impuestes dende l’Estáu, los pasos atrás nos drechos llaborales, o la inoperatividá gubernamental en problemátiques perimportantes como les descomananes cifres de desemplegu, la emigración forciao, l’amenaza d’esaniciu de la cadarma de conceyos, o’l desmantelamientu del texíu industrial, amuesen a les clares esta situación.

Asina, Conceyu Abiertu llama a salir a la cai esti Día de la Nación Asturiana, polos drechos sociales y nacionales d’Asturies y la so clas trabayadora, na manifestación qu’entamará a les 12:30 nel Paséu Los Álamos d’Uviéu, asina como les actividades posteriores.

Share Link: Share Link: Bookmark Google Yahoo MyWeb Del.icio.us Digg Facebook Myspace Reddit Ma.gnolia Technorati Stumble Upon Blogmarks
Comentarios
Buscar
¡Sólo los usuarios registrados pueden escribir comentarios!

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."

 

CONCEYU ABIERTU POR

  

SÍGUINOS TAMIÉN EN