Aug
01
2014
Conceyu Abiertu por Noreña colos trabayadores del Mataderu Central d’Asturies PDF Imprimir Correo electrónico
Escrito por Administrator   

Dende Conceyu Abiertu por Noreña queremos reafirmar el nuestru apoyu a los trabayadores del Mataderu Central d’Asturies nestos momentos duros y d’incertidumbre pal futuru de la empresa y de los sos puestos de trabayu. Tamién la nuesa coincidencia colos plantegamientos y esixencies de l’asamblea de trabayadores, tando a la so dimposición dafechu en too aquello que podamos ayudar pa consiguir los sos xustos oxetivos y vindicaciones.

 

Nesta llínea, amás de la presentación de la moción conxunta con otros grupos municipales (FDLI, IPÑ y PSOE), aprobada nel Plenu Municipal cellebráu ayeri xueves 31, cola que l’Ayuntamientu de Noreña amuesa el apoyu a los trabayadores na so llucha pol mantenimientu de tolos puestos de trabayu y pide aiciones a les distintes  instituciones, queremos amosar el nuestru apoyu a toles movilizaciones que s’entamen empezando pola marcha-manifestación que’l miércoles 13 d’agostu se va cellebrar ente La Pola y Noreña.

 

Animamos a los y les noreñeses, asina como a los vecinos de la rodalada, a participar nesta marcha-manifestación y en cuantes aiciones vindicatives entamen los trabayadores. Consideramos qu’amás de pola propia solidaridá, el Pueblu tien qu’involucrase pol caltenimientu de l’actividá industrial y tolos puestos de trabayu, por ser de gran importancia pa la economía de Noreña y más tovía na situación de crisis económica y d’altes tases de paru, de lo que nun escapa Noreña.

 

Nun podemos dexar de criticar les sucesives reformes llaborales nel estáu de los partíos turnistes del réxime d’esta segunda restauración borbónica, PSOE y PP, sobremanera la última del gobiernu de Mariano Rajoy, que vienen menguando dende va años los drechos de los trabayadores.  Tampoco podemos dexar de censurar la negativa del conseyeru d’Industria Graciano Torre (PSOE) a recibir a los trabayadores del Mataderu qu’asoleya perbien la falta de compromisu del gobiernu al que pertenez.

 

Con too, queremos felicitar a los trabayadores pol exemplu de llucha y unidá que tán dando en momentos que tanto fain falta. Tamién nos presta l’apoyu xeneral qu’ente la sociedá tienen les sos vindicaciones. Tenemos claro que con llucha, unidá y solidaridá puede consiguise que’l mataderu nun pieslle y mantener los puestos de trabayu, exemplos nun falten n’Asturies nos últimos tiempos.

 

 

ALCUERDU DEL PLENU MUNICIPAL 31/8/2014

 

- Manifestar el apoyo y solidaridad del Ayuntamiento de Noreña a los trabajadores/as del Matadero Central.

 

- Instar a las diferentes Instituciones públicas y privadas de ámbito autonómico y estatal a propiciar una solución que pase necesariamente por la supervivencia productiva del Matadero Central de Asturias y el mantenimiento de un empleo digno de todos los puestos de trabajo que actualmente ocupa.

 

- Comuníquese este acuerdo a la Junta General del Principado, a la Consejería de Industria y Empleo y a la Consejería de Agroganadería y Productos Autóctonos.

Share Link: Share Link: Bookmark Google Yahoo MyWeb Del.icio.us Digg Facebook Myspace Reddit Ma.gnolia Technorati Stumble Upon Blogmarks
Comentarios
Buscar
¡Sólo los usuarios registrados pueden escribir comentarios!

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."

 
Banner
Grupos de Google
Soscribise a Conceyu Abiertu por Noreña
Corréu ellectrónicu:
Consultar esti grupu
Banner