May
21
2014
1808-2014: Siguimos #LluchandoPolaSoberanía PDF Imprimir Correo electrónico

 

 

 

El 25 de Mayu tornamos a remembrar y reivindicar una fecha de gran valir simbólicu p’Asturies. Nesa mesma data del añu 1808, la Xunta Xeneral declaró la so soberanía énte'l clamor popular nes cais de la capital, xunto col unvíu d’embaxadores a Inglaterra y la formación del “Exércitu Defensivu Asturianu”, una fuercia armada popular. A too ello hai qu’amestar el surdimientu d’un símbolu tan importante pal nuesu país como ye la so bandera, ente otros munchos fechos.

Ye por ello que dende Conceyu Abiertu consideramos el 25 de Mayu como una fecha d’alcordanza y de vindicación, debío a que les aiciones del pueblu asturianu nel añu 1808 suponen non solo ún de los fechos más rellevantes de la nuesa hestoria, sinon tamién un espeyu nel que miranos anguaño.

L’Estáu español niega na so Constitución, ñacía al calor del franquismu, el drechu d’autodeterminación de los pueblos. Entendemos que ye la máxima espresión de l’amarraza que sufre’l pueblu trabayador asturiano, nesta “indisoluble” España, onde la economía, el mediu ambiente, la cultura, los drechos llaborales, sociales, educativos, sanitarios, etc., tan somorguiaos a intereses bien distintos y ayenos a los de la clase trabayadora del nuesu país.

Asina, ye de rigor reivindicar a la vera d’una fecha tan simbólica, l’alternativa soberanista como un proyeutu d’obediencia asturiana qu’atiende a los nuesos intereses como clase y como nación, frente a ferramientes antidemocrátiques y elitistes como l’Estáu español o la Xunión Europea. Ye hora de frayar el capitalismu y les sos cadarmes, y ello namái ye posible puxando pol trabayu diariu de base, democráticu y ampliu.

Señalamos tamién l’escaezu y maltratu institucional que sufre esta fecha y los sos acontecimientos por parte’l gobiernu y les instituciones asturianes, boña seña del so calter sucursalista, y un episodiu más del tapecimientu de toos aquellos fechos o señes identitaries que mos faigan ver la hestoria d’esti país.

Poro, dende Conceyu Abiertu llamamos a participar na iniciativa #LluchandoPolaSoberanía, consistente nuna concentración énte la Xunta Xeneral de magar les 12:30 del sábadu 24 de Mayu, pa remembrar y vindicar los valores de rebeldía, soberanía y dignidá del pueblu asturiano.

Share Link: Share Link: Bookmark Google Yahoo MyWeb Del.icio.us Digg Facebook Myspace Reddit Ma.gnolia Technorati Stumble Upon Blogmarks
Comentarios
Buscar
¡Sólo los usuarios registrados pueden escribir comentarios!

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."

 

CONCEYU ABIERTU POR

  

SÍGUINOS TAMIÉN EN