May
19
2014
LA MADREÑA NUN PIESLLA PDF Imprimir Correo electrónico
Escrito por Administrator   

 
Les persones que participamos del Conceyu Abiertu por Uviéu queremos amosar públicamente, una vegada más, el nuesu sofitu al proyectu coleutivu que representa'l Centru Social Okupáu Autoxestionáu (CSOA) La Madreña y a toles sos integrantes, especialmente a les cinco persones que siguen imputaes por facer usu d'esti espaciu social lliberáu.

Y ye qu'énte l'anuncia del autu dictáu pola "Audiencia Provincial" d'Uviéu, nun podemos más qu'asoleyar el noxu que nos produz qu'una institución que pretende impartir xusticia, dea un tratu esquisitu a delincuentes como los xestores de la empresa en bancarrota y de capital públicu SEDES y ponga como delincuentes a les usuaries de La Madreña. Persones estes que lleven casi tres años trabayando de baldre, perdiendo dineru na mayoría de los casos, por ufiertar unos servicios públicos a la ciudá d'Uviéu, que d'otra manera, nun diben esistir.

Nun podemos escaecer tampocu, que l'edificiu de l'antigua Conseyería de Sanidá y Bientar Social nel que s'afaya'l CSOA La Madreña, ta incluyíu na llamada "Operación de los Palacios". Esta foi una operación na que'l gobiernu autonómicu PSOE-IU y el llocal del PP,  xunto con Caxastur y les grandes fortunes del país, quienes pusiéronse d'alcuerdu pa un cambéu de cromos onde'l Pueblu Asturianu yera espoliáu otra vuelta más y la oligarquía llocal ganó, como siempre, una descomanada cantidá de millones a costa de l'ayalguería pública. Y La Madreña ye un deu nel güeyu del poder n'Asturies.

Agora'l Tribunal decide que'l drechu a la especulación por parte de SEDES, enunciáu como "drechu a la disponibilidá del propiu patrimoniu", ta penriba del drechu del Pueblu d'Uviéu a disponer de servicios como los que s'ufierten na madreña, abellugu d'una montonera de coleutivos que convierten esti espaciu nel principal dinamizador de la vida sociocultural d'Uviéu y de bona parte d'Asturies. Y too ello dende l'autoxestión popular y ensin el marafundiu de millones al que nos tienen avezaos los dirixentes de PPSOE ya IU. Atalantamos que la simple esistencia d'esti espaciu que siñala directamente a los corruptos y los corruptoes, xunto col mieu a que l'exemplu del CSOA La Madreña s'esparda pel país ye'l principal motivu que los mueve a encamentar al desallugu. Y ye que'l comiciu de la clase dominante cuerre peligru, ya somos milenta les persones que deprendimos per aciu d'esti centru social a xestionar los espacios y la vida pública. Nun-yos va resultar facil echar de la que ye la Casa del Pueblu a tanta xente unida y combativa, pero una cosa puen tener por seguru: enque nun dexen más que los escombros d'esti espaciu, la so esencia ye indestructible.l

Poro, asoleyamos al traviés d'esti comunicáu el nuesu sofitu incondicional a l'asamblea del CSOA La Madreña, a toles sos integrantes y al propiu proyectu del centru social. Atalantamos que ye incuestionable'l llabor social que cumple y nun aceutamos nenguna alternativa más que la so continuidá como preséu pa la educación popular y la lliberación de la ciudá d'Uviéu.

CREAR DOS, TRES... MUNCHES MADREÑES
¡¡ASTURIES SÁLVASE OKUPANDO!!

Share Link: Share Link: Bookmark Google Yahoo MyWeb Del.icio.us Digg Facebook Myspace Reddit Ma.gnolia Technorati Stumble Upon Blogmarks
Comentarios
Buscar
¡Sólo los usuarios registrados pueden escribir comentarios!

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."