May
15
2014
Conceyu Abiertu axúntase al bloque #LluchandoPolaSoberanía na manifestación de les Asamblees de Trabayadores PDF Imprimir Correo electrónico

 

 

 

Esti sábadu Uviéu acueye una nueva movilización de les Asamblees de Trabayadores en Llucha, coleutivu qu’axunta a trabayadores de distintes empreses pesllaes o en conflictu nel nuesu país. Dende Conceyu Abiertu sofitamos esta manifestación, al considerar que representa perbién el sentir xeneral de les reivindicaciones obreres n’Asturies: nin más pieslles d’empreses, nin más despidos.

Tener que salir a la cai pa reivindicar daqué tan lóxico y cenciello ye anguaño más que nunca una necesidá nuna Asturies en plenu desmantelamientu, onde la emigración sigue nunos niveles perimportantes y la precariedá nos nuevos contratos de trabayu, la norma creciente. Poro, defender toos xuntos los nuesos intereses como pueblu trabayador ye una obligación diaria.

Nesi sen, ye de destacar la importancia y bon facer de les Asamblees de Trabayadores, como una fórmula que dexa dafechu n’evidencia a les burocracies institucionalizaes de CCOO y SOMA-UGT. Ufierten asina un modelu participativu y protagonizáu única y esclusivamente por los y les trabayadores.

Ye por ello qu’apoyamos la movilización qu’entamará a les 18:00 na Plaza América, anunciando tamién que Conceyu Abiertu axúntase de nuevu al bloque #LluchandoPolaSoberanía, en viendo la necesidá esistente de siguir acumulando fuercies y visibilizando l’alternativa soberanista como proyeutu popular de futuru pal nuesu país.

Share Link: Share Link: Bookmark Google Yahoo MyWeb Del.icio.us Digg Facebook Myspace Reddit Ma.gnolia Technorati Stumble Upon Blogmarks
Comentarios
Buscar
¡Sólo los usuarios registrados pueden escribir comentarios!

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."

 

CONCEYU ABIERTU POR

  

SÍGUINOS TAMIÉN EN