May
07
2014
Conceyu Abiertu llama a sofitar el bloque #LluchandoPolaSoberanía na Manifestación pola Oficialidá PDF Imprimir Correo electrónico

 

 

 

Esti vienres 9 de mayu a les 19:30 hores tendrá llugar un añu más la manifestación pola oficialidá, ún de los principales eventos de la reivindicación llingüística nel nuesu país, énte la marxinación y represión a la que se ven sometíes les nueses señes identitaries y culturales. Un añu más, siguen esistiendo asturianos/es de primera y de segunda según la llingua que falen.

 

Dende Conceyu Abiertu entendemos que la situación que vive la comunidá asturfalante nun ye más que’l reflexu del estáu xeneral d’Asturies, por mor del dominiu de les fuercies sucursalistes y les redes que foron texendo al so alredor durante les caberes décades. La falta de drechos na cuestión llingüística ye una más, dientro de la carencia xeneral de drechos democráticos esistente.

Nesi sen, rescampla que l’intentu d’aculturización y asimilación del castellán que vien desendolcando l’Estáu español n’Asturies, tien el so interés nel proyeutu homoxenizador que les oligarquíes apliquen col envís d’amatagar toa manifestación nacional que ponga en peligru los sos intereses económicos, y ye que esa y non otra ye la naturaleza del Estáu español: servir a los intereses de les élites económiques y les sos ferramientes polítiques.

Poro, consideramos que’l conflictu llingüísticu tien un componente políticu innegable, polo que l’alternativa soberanista tien que tornar a visibilizase como un proyeutu lliberador en toles vertientes de la sociedá. Por ello, y polo positivo de la esperiencia del 1 Mayu, llamamos a sofitar de nuevu’l  bloque #LluchandoPolaSoberanía na manifestación entamada pola XDLA.

Share Link: Share Link: Bookmark Google Yahoo MyWeb Del.icio.us Digg Facebook Myspace Reddit Ma.gnolia Technorati Stumble Upon Blogmarks
Comentarios
Buscar
¡Sólo los usuarios registrados pueden escribir comentarios!

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."

 

CONCEYU ABIERTU POR

  

SÍGUINOS TAMIÉN EN