Apr
30
2014
Conceyu Abiertu améstase al bloque #LluchandoPolaSoberanía esti 1 Mayu PDF Imprimir Correo electrónico

 

 

Conceyu Abiertu sofita'l bloque soberanista promovíu por persones d'esti ámbitu políticu, nel alderique desendolcáu esti llunes 28 d'abril nel Espaciu La Llegra. El movimientu conceyil camienta imprescindible siguir aprovechando los espacios de trabayu conxuntu na cai, enforma en feches de gran simbolismu pal pueblu trabayador asturianu como ye'l Primeru de Mayu. Poro, encamentamos a llevar l'asturina y participar nel bloque "Lluchando pola soberanía" na manifestación con entamu a les 12:30 hores na Plaza L'Humedal (Xixón).

Avérase un nuevu 1 de Mayu y n’Asturies, como ye vezu, tenemos poco que cellebrar y muncho que reivindicar. La situación llaboral nel nuesu país sigue empiorando mes a mes, con un paru que supera les 100.000 persones y qu’améstase a una de les grandes problemátiques esistentes nel nuesu país: la emigración, como consecuencia de la falta de trabayu derivada de la desindustrialización.

L’alternativa que mos ufren al paru y la emigración, nun ye otra que la precariedá. Los contratos temporales son la norma, y los drechos de los y les trabayadores asturianes siguen menguando constantemente dende les reformes llaborales desendolcaes pol gobiernu central, tanto nos gobiernos del PSOE como del PP.

Ante esta situación, vemos a los dos sindicatos mayoritarios –CCOO y UGT- nuna actitú de servilismu pa col gobiernu y la patronal, plantegándose como ferramientes que non sólo nun defienden los intereses del pueblu trabayador asturianu, sinon qu’actúen a la so escontra.

Frente a ello, güeyamos un sindicalismu alternativu que, al traviés de la so aición nel tarrén llaboral, o de l’articulación con otros coleutivos sociales pa la protesta, tan suponiendo’l principal focu de llucha, resistencia, y reivindicación escontra la situación económica, social, llaboral, etc na que s’alcuentra Asturies.

Conceyu Abiertu concibe l’Ún de Mayu como una fecha de llucha, de reivindicación y afirmación como pueblu trabayador, manifestando una vegada más la necesidá de siguir articulando la unidá popular dende un perspeutiva asturiana y tresformadora dende la base. Ye por ello que llamamos a participar na manifestación convocada por CSI, CGT y SUATEA, con entamu na Plaza L’Humedal de Xixón a les 12:30 hores.

Share Link: Share Link: Bookmark Google Yahoo MyWeb Del.icio.us Digg Facebook Myspace Reddit Ma.gnolia Technorati Stumble Upon Blogmarks
Comentarios
Buscar
¡Sólo los usuarios registrados pueden escribir comentarios!

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."

 

CONCEYU ABIERTU POR

  

SÍGUINOS TAMIÉN EN