Feb
26
2014
Aplaudimos la autoorganización vecinal en Llangréu PDF Imprimir Correo electrónico
Escrito por Conceyu Abiertu por Llangréu   
Les últimes selmanes tan dándose en Llangréu delles lluches vecinales que tienen la autoorganización y l'aición social como principios básicos. Coles idees clares y cola confianza de que la llucha da resultaos vecines y vecinos d'esti conceyu tan organizándose de forma autónoma, ensín asperar gran cosa de los sos gobernantes, daqué obvio, por unos finxos concretos. Referímonos a les lluches empobinaes polos vecinos del barriu de Pénjamo y de la zona de Llangréu Centro y el Barriu'l Puente.

En Pénjamo, fartos y fartes de promeses non cumplíes pol cierre de les sos piscines, la vecindá salió a la cai de forma autónoma pa pidir la reapertura d'estes instalaciones públiques, axuntando a centenares de persones y realizando asamblees abiertes nel barriu onde decidieron siguir cola movilización activa hasta que l'Ayuntamientu y el Principáu entamen a cumplir los sos compromisos. En Llangréu Centru y el Barriu'l Puente echense a la cai y corten el tráficu pa que d'una vez por toes s'igue el problema del soterramientu, que ta dando munchos problemes nestos barrios llangreanos.

Dende Conceyu Abiertu por Llangréu aplaudimos les iniciatives y llamamos a la población del conceyu a movilizase cola xente d'estos barrios n'unes lluches que mos afeuten a tola vecindá llangreana. La organización popular y la llucha son l'únicu camín a la hora de tresformar la realidá y s'entama por coses humildes y pequeñes vindicaciones.


¡Pola fin del soterramientu! ¡Pola reapertura de les piscines de Pénjamo! ¡Organizate y llucha!
Share Link: Share Link: Bookmark Google Yahoo MyWeb Del.icio.us Digg Facebook Myspace Reddit Ma.gnolia Technorati Stumble Upon Blogmarks
Comentarios
Buscar
¡Sólo los usuarios registrados pueden escribir comentarios!

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."

 
Banner