Feb
26
2014
Solución digna pa los trabayadores del "Palacio de las Nieves" y "Urogallo" PDF Imprimir Correo electrónico
Escrito por Conceyu Abiertu por Llangréu   
Nueve trabayadores de les instalaciones hosteleres "Palacio de las Nieves" y "Urogallo", dambos del mesmu grupu empresarial, foron despedíos de los sos puestos de trabayu. El despíu afeuta a la mayoría de la plantilla y foi efeutuáu vía carta. Amás el grupo empresarial debe-yos a estes persones dellos pagos, que trata de nun pagar escudándose en mentires y más mentires.
Dende Conceyu Abiertu por Llangréu y Samartín del Rei Aurelio unviamos la nuesa solidaridá a les persones despedíes y denunciamos l'actitú falsa y tramposa del grupo empresarial "Urogallo" na operación. Munches de les persones que foron despedíes lleven munchos años trabayando n'una d'estes instalaciones hosteleres y camentamos que ye llamentable y pocu éticu que se trate asina a persones que lo dieron too na so vida por esti grupu y estos establecimientos.

Dende los nuesos Conceyos Abiertos pidimos la realmisión de los trabayadores despedíos pues nun hai evidencies suficientes pa llevar a cabo esti despíu masivu y tamién desiximos que se-yos abone a estes persones los pagos que-yos deben. Per otru llau queremos pidir más voluntá ya implicación a los gobiernos llocales de Samartín del Rei Aurelio y Llangréu, dambos del PSOE pa nun permitir esta situación. Tamién pidimos la mediación y compromisu de Graciano Torre, conseyeru supuestamente ocupáu d'asuntos d'emplegu y de tipu llaboral.

¡La cuenca nun aguanta nin un despíu más!

Urogallo y Palacio de las Nieves: ¡Realmisión, xusticia y pagos!
Share Link: Share Link: Bookmark Google Yahoo MyWeb Del.icio.us Digg Facebook Myspace Reddit Ma.gnolia Technorati Stumble Upon Blogmarks
Comentarios
Buscar
¡Sólo los usuarios registrados pueden escribir comentarios!

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."

 
Banner