Dec
25
2013
Conceyu Abiertu por Xixón desixe al gobiernu de FORO qu’el serviciu de salvamentu en playes siga siendo públicu PDF Imprimir Correo electrónico
Escrito por Conceyu Abiertu por Xixón   
Dempues de conocese les intenciones del edil de facienda de privatizar el serviciu de salvamentu en playes, dende Conceyu Abiertu por Xixón desiximos al gobiernu llocal que rectifique inmediatamente tala pretensión y caltenga esti serviciu como públicu.

El serviciu de salvamentu en Xixón tien la particularidá de ser punteru y una referencia nel socorrismu a nivel estatal, siendo conocíu por ser posiblemente el meyor del estáu español y tener un de los presupuestos más elevaos.

Alcontramonos otra vuelta, nel enfotu del gobiernu lliberal de FORO de privatizar servicios públicos que funcionen perfechamente y dan un serviciu percorrechu a la ciudadania.

N’Asturies la mayoría de los servicios de salvamentu de los conceyos asturianos yá dependen d’entidaes privaes o de Cruz Roja suponiendo esti fechu una perda na calidá nel serviciu y del empléu. Con empreses privaes o con Cruz Roja los salarios son más baxos y les condiciones de los socorristes peores lo que repercute tamién necesariamente nel serviciu públicu que se presta.
Dende Conceyu Abiertu por Xixón, creyemos que en vede enfotase'n privatizaciones que xeneren una perda de calidá, un partiu que se fai llamar asturianu, debería trabayar por un servciu Asturianu de Salvamentu, que coordinare toles playes del nuestru pais.

Dende Conceyu Abiertu por Xixón consideramos encandaloso que’l gobiernu de Foro quiera acabar con un de los emblemes de la ciudá. Les playes xixoneses tarien a partir d’entos menos segures y ensin dubia esto repercutiría na imaxe que los turistes se lleven de Xixón.
Share Link: Share Link: Bookmark Google Yahoo MyWeb Del.icio.us Digg Facebook Myspace Reddit Ma.gnolia Technorati Stumble Upon Blogmarks
Comentarios
Buscar
¡Sólo los usuarios registrados pueden escribir comentarios!

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."

 
Banner