Nov
29
2013
Conceyu Abiertu por Llangréu pide la apertura definitiva del CRE “Stephen Hawking” PDF Imprimir Correo electrónico
Escrito por Conceyu Abiertu pot Llangréu   

 

 

Los Presupuestos del Estáu pa 2014 nun recueyen una partía monetaria de 2´5 millones d'euros pa la apertura del Centru de Discapacidaes Neurolóxiques “Stephen Hawking”, en Barros. La Secretaria d'Estáu de Presupuestos nel Ministeriu de Facienda tresmitió la información a la Cumbre Social del Nalón esti 27 de payares. Dende'l Gobiernu d'España dicen que nun puede ser “en cumplimientu de los compromisos d'estabilidá presupuestaria énte la Unión Europea”.

Asina, paez ser que'l Gobiernu d'España nun va poner nin un euru p'abrir esti centru y poner en marcha esti proyeutu. Los neolliberales del PP nun quieren saber nada d'esti centru, de les condiciones de vida de los sos destinatarios y de la dinamización social d'un conceyu tan deprimíu como Llangréu. Los recortes sociales qu'imponen estos señores, xunto a la “Troika” y los del PSOE nel Principáu son los euros cola que quieren que paguemos toos y toes una delda que nun mos correspuende. Esti ye un exemplu más de lo qu'ufre esti sistema capitalista y centralista, yá seya en Bruseles o Madri, a Asturies y los sos conceyos.

Dende Conceyu Abiertu por Llangréu pidimos, xunto a otros coleutivos del nuesu conceyu, que reconsideren la so decisión. L'Estáu Español ta ñegando un serviciu de bientar y calidá a persones que necesiten d'ello, amás de que ta dexando cayer un edificiu que costó muncho dineru. Nun podemos tolerar esta actitú de despreciu con Llangréu y les persones que podrien esfrutar de los servicios que diba a dar esti proyeutu.

Pa finar, dende Conceyu Abiertu queremos tresmitir al Ayuntamientu de Llangréu la nuesa esmolición pola situación y creemos que la institución conceyil nun ta sabiendo tar al altor de les circunstancies. El gobiernu llocal tien de tener una posición más fuerte nesti conflictu y mirar pola calidá de vida de les persones y el futuru'l conceyu, y non cayer n'engarradielles partidistes y d'intereses. Tamien pidimos-y responsabilidá y compromisu a la Conseyería de Bientar Social, dirixia por Esther Diaz, antigua alcaldesa y desiximos-y que diga dalgo yá.

Share Link: Share Link: Bookmark Google Yahoo MyWeb Del.icio.us Digg Facebook Myspace Reddit Ma.gnolia Technorati Stumble Upon Blogmarks
Comentarios
Buscar
¡Sólo los usuarios registrados pueden escribir comentarios!

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."

 
Banner