Nov
24
2013
Pol futuru de Barros, demos-y usu a les antigües escueles infantiles. PDF Imprimir Correo electrónico
Escrito por Conceyu Abiertu por Llangréu   

 


 

Lo que fueron les escueles infantiles de Barros tan güei zarraes y son un edificiu que va camín de poder ser catalogáu como ruinosu. La escuela dexó de ser tal va más de 10 años y dende esi momentu sufrió too tipu d'ataques vandálicos, pero tamién el abandonu consciente del Ayuntamientu de Llangréu.

Dende Conceyu Abiertu por Llangréu pidimos el pasáu mes de marzu al gobiernu municipal que punxera la vista nel edificiu y cumpliera coles sos promeses eleutorales. Esther Díaz, en 2010, prometió facer nes instalaciones una lludoteca pa los neños qu'enxamás llegó. Poro, dende la nuesa formación conceyil nun podemos dexar pasar estos vergoñosos fechos y siguimos denunciando la irresponsabilidá del PSOE llocal pa colos vecinos del distritu de Barros.

Conceyu Abiertu pidi al Ayuntamientu que valore la posibilidá de remocicar les vieyes escueles de Barros y trate de da-y un usu a esti espaciu que vaya en beneficiu de la vecindá. Creemos que ye obligación de l'alcaldía caltener esti espaciu llimpiu y tratar que'l mesmu nun pase a ser una ruina. Polo tanto, con austeridá y responsabilidá, dende Conceyu Abiertu por Llangréu pidimos una llimpieza fondera d'esti espaciu, unes reformes que-y dean dignidá a esti espaciu públicu y un estudiu dende l'Ayuntamientu pa da-y usu a les antigües escueles.

Pa finar, dende Conceyu Abiertu por Llangréu queremos solliñar l'ausencia d'espacios socioculturales abiertos a la xente de Barros nel so distritu. Camentamos que nel momentu presente, faer un centru sociocultural d'esti espaciu xestionáu polos vecinos de Barros daria-y munches oportunidaes a esta llocalidá pa evitar l'abandonu y despoblamientu que ta sufriendo nos últimos años, sobre manera dende que'l “Correor del Nalón” partió al pueblu en dos.

Share Link: Share Link: Bookmark Google Yahoo MyWeb Del.icio.us Digg Facebook Myspace Reddit Ma.gnolia Technorati Stumble Upon Blogmarks
Comentarios
Buscar
¡Sólo los usuarios registrados pueden escribir comentarios!

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."

 
Banner