Nov
08
2013
Conceyu Abiertu pide al alcalde de Mieres que rectifique sobre l’asturianu y qu’espediente al axente de policia PDF Imprimir Correo electrónico
Escrito por Adrian   

Tres la decisión del Ayuntamientu de Mieres, gobernáu por Izquierda Unida, de retirar les autorizaciones n’asturianu que la Casa de Cultura municipal venía utilizando pa permitir aparcar ente’l so edificiu y dempués de qu’un policía municipal multare a un usuariu autorizáu pa aparcar por tar el permisu en llingua asturiana dende Conceyu Abiertu por Mieres desiximos al alcalde de Mieres que garantice los drechos de los mierenses asturfalantes y que rectifique inmediatamente la so decisión de retirar les autorizaciones pa estacionar redactaes en llingua asturiana.

 La Casa Conceyu, como alministración pública más cercana al ciudadanu, y el alcalde en particular tienen de tener la prioridá absoluta de velar por que se garanticen los drechos llingüísticos de los sos vecinos y amosar nestos casos una mayor sensibilidá. Teniendo en cuenta que l’asturianu ye la llingua tradicional d’Asturies y de Mieres, falada pola mayoría de los vecinos y fácilmente comprensible por toos, incluso por aquellos que nun son asturfalantes, camentamos que la actitú reaccionaria, provocativa y de despreciu por parte d’un axente de la policía municipal haza’l asturianu nun pué vese pa enriba reforzada pola decisión del alcalde de retirar tales autorizaciones n’asturianu. Precisamente al revés, dende Conceyu Abiertu camentamos que l’alcalde de Mieres debería entamar un espediente disciplinariu al axente en cuestión cola fín d’esclariar si tres la actuación d’esi axente hai un fechu represivu haza un ciudadanu por motivaciones ideolóxiques, ya que la única causa aparente pa que talu axente sancionare al usuariu de la Casa Cultura ye que la autorización taba n’asturianu, y non la incomprensión de la mesma por parte del axente.

Per otru llau, conseñar que rescampla qu’asocedan estes coses nun ayuntamientu gobernáu por Izquierda Unida, una organización política que nes sos campañes elleutorales usa l’asturianu como bandera y la reivindicación d’oficialidá pa la llingua asturiana pero que dempués na prautica política allá onde gobierna reprime l’usu del asturianu.

Dende Conceyu Abiertu queremos recordar que casos como esti ponen de manifiestu nueamente la necesidá urxente de declarar l’asturianu como llingua oficial d’Asturies cola fin de garantizar los drechos de los asturfalantes.

Por too ello, convocamos una concentración de protesta esti sábado 9 de payares a les 13:00 hores énte la Casa Conceyu de Mieres, col llema “L’asturianu llingua oficial”.

Share Link: Share Link: Bookmark Google Yahoo MyWeb Del.icio.us Digg Facebook Myspace Reddit Ma.gnolia Technorati Stumble Upon Blogmarks
Comentarios
Buscar
¡Sólo los usuarios registrados pueden escribir comentarios!

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."

 
Banner