Oct
08
2013
Conceyu Abiertu por Llangréu torna a denunciar la presencia de vertederos illegales en Molín del Sutu. PDF Imprimir Correo electrónico
Escrito por Conceyu Abiertu   

 


 

A lo llargo d'estos díes delles persones, vecines de Llangréu, tan denunciando la presencia de más basoria na Cai Molín del Sutu, en La Felguera. Asina ficiéronnoslo llegar a Conceyu Abiertu por Llangréu, que yá denunció fai unos meses una situación asemeyada. Lo ciertu ye qu'agora mesmu la situación ye ainda más grave, pues nun se llimpiaron los anteriores vertederos illegales nin se buscaron responsables y nos últimos meses ta apaeciendo cada vuelta más basoria.

Dende Conceyu Abiertu por Llangréu esiximos al gobiernu llocal que retire estos vertederos illegales darréu ya entame una investigación o faiga mayor xixilancia de la zona pa depurar responsables. Amás creemos que'l Conceyu de Llangréu ye corresponsable tamién dende'l momentu que sabe d'estos vertíos illegales y pasen los meses y nun actúa pa camudar la situación. Esto desplícase na constante del Ayuntamientu d'abandonar a la so suerte zones como Molín del Sutu.

Asina, Conceyu Abiertu por Llangréu quier plantegar que cualesquier cai o zona de Llangréu ye digna pa vivir y trabayar y que l'abandonu que ta faciendo l'Ayuntamientu de Llangréu de munches zones y pueblos ye inalmisible. Aprovechando esta petición queremos recordar a l'alcaldesa y los sos conceyales que nel conceyu hai munchos vertíos illegales y que nun s'actúa casi nunca, polo que paez que nun tan mui esmolecios col mediu ambiente, la salubridá de Llangréu y la imaxe del conceyu.

¡SOLUCIÓN PA MOLÍN DEL SUTU! ¡NON MÁS VERTEDEROS ILLEGALES EN LLANGRÉU!

Share Link: Share Link: Bookmark Google Yahoo MyWeb Del.icio.us Digg Facebook Myspace Reddit Ma.gnolia Technorati Stumble Upon Blogmarks
Comentarios
Buscar
¡Sólo los usuarios registrados pueden escribir comentarios!

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."

 
Banner