Oct
02
2013
Sofitamos la fuelga en Duro Felguera en solidaridá colos dos despedíos y contra'l cierre de los talleres. PDF Imprimir Correo electrónico
Escrito por Adrian   
Conceyu Abiertu por Llangréu quier faer públicu'l so sofitu a la convocatoria de fuelga del 2 d'ochobre nel tallerón de Barros de Duro Felguera en sofitu a dos trabayadores despedíos, pol cumplimientu de los alcuerdos roblaos pola empresa y pol caltenimientu de la empresa nel conceyu y Asturies. Asina tamién, comunicar que la xornada de fuelga coincide col xuiciu d'una d'estes dos persones despedíes y qu'hai una concentración de sofitu al despedíu delantre los xulgaos de Mieres del Camín a les 10:00 hores.

Dende Conceyu Abiertu por Llangréu creemos que nun hai otru camín que la unidá obrera y popular pa defender el nuesu conceyu y Asturies del desmantelamientu industrial que ta sofriendo. Dende la nuesa plataforma municipal queremos dicir a la empresa Duro Felguera que cumpla lo pautáu y caltenga l'actividá productiva n'un conceyu, el de Llangréu, col que tien una delda hestórica eterna. Tamién pidimos más presión dende les instancies polítiques municipales, autonómiques y estatales. El futuru de Llangréu, les cuenques y Asturies ta en xuegu. Nun queda otra que dir a la llucha y nun confiar nada nos especuladores y vendepatries. Naide va regalanos nada.
Share Link: Share Link: Bookmark Google Yahoo MyWeb Del.icio.us Digg Facebook Myspace Reddit Ma.gnolia Technorati Stumble Upon Blogmarks
Comentarios
Buscar
¡Sólo los usuarios registrados pueden escribir comentarios!

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."

 
Banner