Aug
06
2013
La hipocresía del Gobiernu de Llangréu nel Valle de Samuño. PDF Imprimir Correo electrónico
Escrito por Adrian   

 

 

L'Ayuntamientu de Llangréu, gobernáu pol PSOE, lleva munchos meses faciendo autopropaganda ya invirtiendo miles d'euros en promocionar l'Ecomuseo Mineru del Valle de Samuño. El proyeutu costó muncho dineru y la promoción que tan faciendo del mesmu, una vez acabáu, más de lo mesmu. Asina, el PSOE llocal vende'l Valle de Samuño y el so ecomuseu en munchos llugares a bombu y platiyu, pero ciertamente, la imaxe real del Valle de Samuño y los sos pueblos ye otra bien estremada.

Numberosos pueblos d'esti valle llangreanu presenten series deficiencies d'abastecimientu y destaca estos díes la denuncia pública de dellos vecinos sobre l'estáu de les carreteres de la zona. Un casu bien exemplar de la situación ye l'estáu de la carretera de Les Codes, en La Nueva. La carretera, enllena de maleza y yerba lleva años ensín ser llimpiada pol Ayuntamientu de Llangréu, lo que causa suciedá pero tamién peligrosidá, dada la falta de visibilidá de munchos tramos de la mesma.

Nun val promocionar el proyeutu d'ecomuseu y el propiu Valle de Samuño pero al empar condergar a los vecinos d'esti valle del conceyu a condiciones pésimes en dalgunos tresportes. Esta zona de Llangréu, que se carauteriza por tar ente lo rural y lo mineru, tien de ser respetada pol gobiernu municipal, polo que ye imprescindible qu'igual que si l'alministración llocal promociona'l so “proyeutu estrella”, tamién tea d'abastecer a los vecinos d'esta zona y qu'estos vivan nos sos pueblos con dignidá, y non condergaos al ostracismu.

 

Share Link: Share Link: Bookmark Google Yahoo MyWeb Del.icio.us Digg Facebook Myspace Reddit Ma.gnolia Technorati Stumble Upon Blogmarks
Comentarios
Buscar
¡Sólo los usuarios registrados pueden escribir comentarios!

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."

 
Banner