Feb
02
2013
Noreña aprueba propuestes de Conceyu Abiertu PDF Imprimir Correo electrónico
Escrito por Adrian   

 

 

L'Ayuntamientu de Noreña cellebró'l so caberu plenu, nel qu'ente otres custiones, se trataron dos propuestes feches a petición de Conceyu Abiertu por Noreña, al traviés del so conceyal Pablo Pérez. Asina, la primera d'elles correspuende cola iniciativa pa declarar a Noreña como "conceyu llibre de fracking". Depués de consensuar un testu colos demás grupos, la propuesta salió alantre ensin votos a la escontra, polo qu'hai un nuevu conceyu asturianu que refuga la práutica de la resquiebra hidráulica, faciendo asina avanzar la llucha escontra'l fracking n'Asturies.

D'otru lláu, el plenu aprobó tamién una propuesta conxunta de la oposición pa ganar espaciu peatonal na Plaza La Cruz, suprimiendo con ello quince places d'aparcamientu. La propuesta salió alantre colos votos favoratibles de toles fuerces opositores, y l'abstención d'IDEAS. Pa la defensa y espardimientu d'esta actuación, Conceyu Abiertu por Noreña asoleyó cartafueyos en castellán y asturianu, entitulaos "Noreña pa les persones", col qu'amosar a los y les ciudadanes les ventaxes de desendolcar esta custión nel conceyu noreñense. Con ello, sigue alantre l'actividá d'esti movimientu popular en Noreña, onde se trabaya por un conceyu de y pal pueblu.

Share Link: Share Link: Bookmark Google Yahoo MyWeb Del.icio.us Digg Facebook Myspace Reddit Ma.gnolia Technorati Stumble Upon Blogmarks
Comentarios
Buscar
¡Sólo los usuarios registrados pueden escribir comentarios!

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."

 
Banner
Grupos de Google
Soscribise a Conceyu Abiertu por Noreña
Corréu ellectrónicu:
Consultar esti grupu
Banner