Jan
04
2013
Conceyu Abiertu por Noreña escontra’l peslle del centru ocupacional d’ADEPAS PDF Imprimir Correo electrónico
Escrito por Adrian   

 Dende Conceyu Abiertu por Noreña manifestamos la nuesa refuga al posible peslle del centru de sofitu a la integración que la asociación ADEPAS caltien en Noreña. El centru conocidu hestóricamente en Noreña como Fundación Rionda o “La fundación” xuega un papel mui importante en Noreña na atención a persones con diferentes tipos de discapacidaes y atiende angüañu a un total de setenta usuarios contando con una ventena trabayadores pa ello.

Dende’l Principáu d’Asturies la conseyería de Bienestar Social nun incluyó nel programa Marcu de la conseyería pala contratación del serviciu públicu de places de centru ocupacional, d’abeyugu temporal, d’abeyugu tuteláu y residenciales pa persones con discapacidá pa los próximos 4 años a esta institución afitada en Noreña y qu’atiende a discapacitaos por mor d’un supuestu erru na solicitú presentada  pola entidá. L’erru consistiría en que na ausencia d’un mapa de situación y d’una llista d’actividaes. ADEPAS d’esta veríase abocada al peslle del so centru en Noreña.

Dende Conceyu Abiertu consideramos que l’atención a les persones y families que presta esti centru ta mui perenriba de cualquier defectu burocráticu y pensamos que si sólo se trata d’esto nun tendría que haber dengún problema pa la igüa de talos erros, o pa buscar soluciones alternatives pero, per otru llau, muncho mos tememos que tres l’argumentu d’un fallu burocráticu atopémonos cola rialidá d’una maniobra de la conseyería pa recortar gastos públicos allá onde precisamente enxamas nun se pué retayar que ye n’atención a les persones que más lo necesiten. Esperamos qu’esto nun seya asina y que s’atope una solución.

Poro ofrecemos tol nuesu sofitu a ADEPAS y pidimos al Ayuntamientu de Noreña que medie urxentemente ente’l Principáu y ADEPAS defendiendo la continuidá d’esti centru en Noreña y buscando una solución al conflicto lo antes posible.

Share Link: Share Link: Bookmark Google Yahoo MyWeb Del.icio.us Digg Facebook Myspace Reddit Ma.gnolia Technorati Stumble Upon Blogmarks
Comentarios
Buscar
¡Sólo los usuarios registrados pueden escribir comentarios!

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."

 
Banner
Grupos de Google
Soscribise a Conceyu Abiertu por Noreña
Corréu ellectrónicu:
Consultar esti grupu
Banner