Dec
23
2012
Conceyu Abiertu por Mieres denuncia un nuevu casu de represión en Mieres PDF Imprimir Correo electrónico
Escrito por Adrian   

 

 

El pasáu 14 de payares, demientres desendolcábase la xornada de fuelga xeneral, tres mozos fueron identificaos en Figaréu mentantu miraben como la Guardia Civil trataba d'acabar con una barricada qu'un grupu de piquetes plantó nesta llocalidá del conceyu. Nesi intre, la Guardia Civil identificó a estos xóvenes, los cuales nun taben faciendo absolutamente nada. Nesti día, nel Conceyu de Mieres yá hebo munches otres identificaciones ya incluso detenciones. Pues bien, estos tres mozos, que namás miraben lo que taba asocediendo, acaben de recibir una notificación de multa d'ente 300 y 30.000 euros. El so delitu foi tar na cai observando lo que pasaba.

Dende Conceyu Abiertu por Mieres queremos amosar el nuesu sofitu a estos mozos y pidir a la vecindá del nuesu conceyu la so solidaridá pa con ellos. Consideramos propiu d'un sistema antidemocráticu, autoritariu, reaccionariu y déspota esti tipu de midíes de calter represivu. Dende Conceyu Abiertu por Mieres creemos qu'esti casu ye un nuevu atropellu a los drechos fundamentales de les persones y supón una amuesa más del retrocesu de drechos y llibertaes nel que tamos viviendo.  
 
Pa finar, caltenemos que l'únicu fin que tienen estes aiciones represives gratuites ye amedrentar a la xente y aparar la rempuesta social a los recortes, les imposiciones y l'agresiva fola neolliberal que l'Estáu Español ta llevando alantre. Dende Conceyu Abiertu por Mieres acusamos a la Guardia Civil d'abuso de poder y creemos que cola represión nun pueden facer nada. Entendemos que'l Pueblu Trabayador Asturianu y de Mieres ta esconsonando cada día más y cuando un pueblu llucha pola xusticia y la dignidá nun hai represión qu'apare a la xente.

Share Link: Share Link: Bookmark Google Yahoo MyWeb Del.icio.us Digg Facebook Myspace Reddit Ma.gnolia Technorati Stumble Upon Blogmarks
Comentarios
Buscar
¡Sólo los usuarios registrados pueden escribir comentarios!

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."

 
Banner