Dec
09
2012
Estes navidaes, compra nel pequeñu comerciu PDF Imprimir Correo electrónico
Escrito por Adrian   

 

 

Cada vegada tamos viendo más la crisis per tolos pueblos d´Asturies y, cada vegada más families se ven en situaciones económiques complicaes. N’ époques de crisis la economía del pueblu distribúyese de tal forma que los ricos aumenten los beneficios por ser los únicos capaces de competir nel mercáu y la xente y families de base o, lo que ye lo mesmo, el pueblu, vense con series dificultaes pa llegar a fin de mes.

Y agora, nestes feches navideñes, podemos ver cómo les grandes superficies y multinacionales mos atorollen con campañes publicitaries consumistes pa que faigamos les compres navideñes nos sos establecimientos.

Por ello, debemos ser críticos y facer una fondera reflexión. Si les compres les facemos a los pequeños comercios de los nuestros pueblos y barrios taremos trabayando pa que la economía asturiana circule ente los asturianos y asturianes. N’otres pallabres, taremos ayudándonos unos a otros como pueblu, como sociedá.

Nesti sen, dende Conceyu Abiertu por Samartín, queremos animar a tolos samartiniegos y samartiniegues y a tola sociedá asturiano en xeneral, a facer les tradicionales compres navideñes a los munchos pequeños comercios y puestos que tenemos nos conceyos. D´esti mou taremos faciendo un gran xestu col nuestru pueblu, colos nuesos vecinos y con nós mesmos.

El pueblu ye´l que sofita al pueblu y, asina, xuntos, sofitándonos unos a otros, taremos dando pasos firmes p´alantre pa combatir esta crisis y esti sistema que tantu mal fai a la sociedá asturiano y tola xente en xeneral.

Share Link: Share Link: Bookmark Google Yahoo MyWeb Del.icio.us Digg Facebook Myspace Reddit Ma.gnolia Technorati Stumble Upon Blogmarks
Comentarios
Buscar
¡Sólo los usuarios registrados pueden escribir comentarios!

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."