Nov
24
2012
Conceyu Abiertu por Mieres dirixese al gobiernu llocal col fin d’algamar un compromisu de responsabilidá nel gastu del sistema eléctricu navideñu. PDF Imprimir Correo electrónico
Escrito por Adrian   

 Dende la plataforma ciudadana y municipalista Conceyu Abiertu por Mieres, desiximos al gobiernu llocal, el nivel necesariu de compromisu pa que’l presupuestu destináu por esti a la iluminación de Navidá, seya éticu teniendo en cuenta la situación del conceyu.

 

L’Ayuntamientu aseguró que les lluces entamaríen a furrular ente’l día 21 d’avientu y el 6 de xineru. Pidimos que se cumpla con firmeza esti supuestu en toes y ca una de les cais, zones y pueblos del conceyu, yá qu'asina desixelu l’estáu nel qu’atopense les arques municipales. Asperamos por supuestu que nun se malinterpreten les pallabres de nueso, ya que nun queremos arrenunciar a les lluces de Navidá nel municipiu, namai consideramos necesariu’l gastu responsable.

 

Echando un güeyu a Mieres y el restu pueblos d’alrodiu, a los nuesos vecinos y sobre too a la delda qu’atañe al Ayuntamientu, nun podemos pensar más que esti nun dexa de ser un asuntu banal. L'Ayuntamientu llocal, tien de preocupase poles braeres necesidaes que sofre'l municipiu y tolos sos convecinos, y llueu debatir de les lluces. Proponemos dende Conceyu Abiertu, que si con esta midía asumía, s'aforren 3000 euros en relación col añu pasau, si acórtase más entá'l períodu d’iluminación, por exemplu del 24 payares al 6 de xineru, que ye cuando son les fiestes, aforraríemos una suma bastante más significativa.

 

Por últimu, somos conscientes de que'l repartu de lluces ente la villa de Mieres, y el restu pueblos del conceyu, nun ye equitativu en dengún casu. Asina que quiciabes ye otru aspectu a tener en cuenta pola alcaldía y el restu de la corporación llocal.

 

Share Link: Share Link: Bookmark Google Yahoo MyWeb Del.icio.us Digg Facebook Myspace Reddit Ma.gnolia Technorati Stumble Upon Blogmarks
Comentarios
Buscar
¡Sólo los usuarios registrados pueden escribir comentarios!

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."

 
Banner