Nov
15
2012
Conceyu Abiertu por Mieres quier amosar el so sofitu y solidaridá col deteníu ayeri n'Uxo PDF Imprimir Correo electrónico
Escrito por Adrian   

 

 

Na mañana de la convocatoria de fuelga xeneral nel Conceyu de Mieres hebo un deteníu n'Uxo que foi llamáu a declarar nel xulgáu de Mieres na mañana'l 15 de payares. Esti compañeru, nun aniciu foi acusáu de "terrorismu y atentáu contra l'autoridá. Carlos, que ye'l nome d'esta persona, participó nun piquete informativu coincidiendo con un corte carretera na llocalidá d'Uxo. Tres prestar declaración la fiscalía desestimó los cargos anteriormente mentaos, pero caltién qu'esta persona incurrió en "desórdenes públicos" y soliciten una pena de cárcele d'ente 6 y 36 meses.

 Dende Conceyu Abiertu por Mieres queremos llamar a la ciudadanía d'esti conceyu y d'Asturies a tresmitir la so solidaridá col compañeru deteníu ayeri. Asina mesmu, queremos pidir la so absolución ensín cargos por mor de la dinámica represiva que vivimos ayeri. Na xornada d'ayeri en Mieres y n'Asturies viviéronse numberosos abusos de poder y autoridá empobinaos pola Delegación de Gobiernu y executaos pola Policia Nacional que van quedar impunes dafechu. Contrastando con esto, les persones que defendíen otru futuru posible pa los nuesos conceyos, Asturies y la clas obrera fueron víctimes d'una represión indiscriminada.
 
Enviendo esta doble forma de midir y manexar la situación dende'l poder políticu y policial atalantamos como de xusticia y democráticu'l pidir la total absolución de los compañeros deteníos ayeri y la retirada de los cargos que-yos imputen. Y ye que mentantu'l sistema políticu y socioeconómicu abusa día a día con distintes manifestaciones de los y les trabayadores cuando la xente planta cara a esta fola neolliberal y autoritaria que tamos viviendo la rempuesta nun ye otra que la más absoluta intolerancia y unilateralidá, cola represión como protagosta. Dende la nuesa formación queremos reafirmar la nuesa voluntá de pidir l'absolución ensín cargos d'esti compañeru y llamar a la solidaridá de les y los mierenses.
 
                                  ¡Carlos llibertá! ¡Absolución ensín cargos!
 
                                         ¡Tamos fartos de represión!

Share Link: Share Link: Bookmark Google Yahoo MyWeb Del.icio.us Digg Facebook Myspace Reddit Ma.gnolia Technorati Stumble Upon Blogmarks
Comentarios
Buscar
¡Sólo los usuarios registrados pueden escribir comentarios!

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."

 
Banner