Nov
12
2012
Conceyu Abiertu por Mieres esixe al Ayuntamientu que ponga igua a los problemes de desprendimientu en Returbiu PDF Imprimir Correo electrónico
Escrito por Adrian   

 

 

Dende'l pasáu mes de marzu, los vecinos de Returbiu vienen alertando d'una serie de problemes de desprendimientu sobre'l riu San Xuan que podríen causar serios problemes. Ente Returbiu y Los Pontones hebo yá dellos desprendimientos, los mesmos pueden entrañar gran peligru pa los vecinos, y más agora coles copioses lluvies propies de la seronda. Asina mesmu, tamién hebo un desprendimientu na escollera'l riu San Xuan a l'altura de Returbiu, concretamente nel parque d'esti pueblu. Esta situación podríen causar el fundimientu'l paséu fluvial y tamién graves consecuencies pa les persones qu'avecen a pasar pela zona.

Dende Conceyu Abiertu por Mieres pidimos al alcalde de Mieres y a la conceyalía pertinente qu'atienda a los vecinos y les vecines de Returbiu. Concretamente, esti problema lleva dende marzu siendo denunciáu pola Asociación de Vecinos "Güeria de San Xuan - Returbiu" cola total pasividá del Conceyu de Mieres. L'Ayuntamientu entá nun atendió a les peticiones d'estos vecinos, pesie a la gravedá d'esti asuntu y caltuvo una actitú déspota dafechu.
 
Dende Conceyu Abiertu por Mieres, como plataforma municipalista y d'izquierda soberanista, queremos amosar el nuesu apoyu públicu a los vecinos de Returbiu y la so asociación de vecinos nesta llucha. Esiximos que l'Ayuntamientu de Mieres atienda a los vecinos nes sos peticiones y qu'execute les obres pertinentes p'asegurar la viabilidá d'estes zones y sobre manera p'asegurar la seguridá y salú de les persones qu'avecen a pasear y tar nestes zones afeutaes. Per otru llau queremos denunciar l'actitú d'esti gobiernu llocal, que pesie a prometer nel so día un modelu participativu y abiertu na xestión municipal, nun da amueses d'ello, sinon que más bien manifiesta una pasividá y un despotismu haza les vecines y vecinos.

Share Link: Share Link: Bookmark Google Yahoo MyWeb Del.icio.us Digg Facebook Myspace Reddit Ma.gnolia Technorati Stumble Upon Blogmarks
Comentarios
Buscar
¡Sólo los usuarios registrados pueden escribir comentarios!

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."

 
Banner