Oct
24
2012
Conceyu Abiertu por Uviéu llama a participar na concentración contra los Premios Príncipe PDF Imprimir Correo electrónico
Escrito por Adrian   

 

 

Con motivu de la cellebración de los “Premios Príncipe de Asturias” esti vienres nel Teatru Campuamor, hai convocada una concentración de protesta na Plaza La Escandalera a les 18:00, contra esti “espectáculu” pagáu por tolos y toles asturianes pal llaváu d’imaxe de la monarquía como institución.

Tal como dende Conceyu Abiertu desplicamos nel comunicáu asoleyáu dies atrás, creyemos que nestos tiempos difíciles p’Asturies hai que priorizar otru tipu de polítiques, y destinar la bayura de perres que cuesta esti eventu a problemes reales de la ciudadanía como’l desemplegu, la represión o les deficiencies democrátiques que carecemos.

Ye por ello que dende Conceyu Abiertu por Uviéu llamamos a tolos y toles ciudadanes del conceyu a sofitar esta convocatoria, na que consideramos que debemos tar toos y toes presentes pa glayar bien alto que nun queremos príncipes nin les sos instituciones, igual que nun queremos unos premios elitistes alloñaos del pueblu asturianu demientres bona parte d’esti pasa por dificultaes nel tarrén económicu o social.

NON A LA POLÍTICA DEL PAN Y CIRCU

UVIÉU CONTRA LOS PREMIOS PRÍNCIPE Y LA INSTITUCIÓN MONÁRQUICA

Share Link: Share Link: Bookmark Google Yahoo MyWeb Del.icio.us Digg Facebook Myspace Reddit Ma.gnolia Technorati Stumble Upon Blogmarks
Comentarios
Buscar
¡Sólo los usuarios registrados pueden escribir comentarios!

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."