Oct
02
2012
Conceyu Abiertu por Uviéu sofita a los vecinos y vecines na so llucha contra’l ruíu de l’autopista PDF Imprimir Correo electrónico
Escrito por Adrian   

Los vecinos y vecines de la llocalidá d’Olloniegu, asitiada nel nuesu conceyu, lleven una llarga llucha hestórica pa la colocación de barreres acústiques qu’eliminen o, al menos, amenorguen el ruíu que sufren como consecuencia del tránsitu nel tramu d’autopista Les Segaes- Baíña, que trescurre práuticamente pegáu al núcleu poblacional.

Ante ello, el movimientu vecinal lleva movilizáu munchos años, pidiendo a les distintes instituciones y alministraciones una igua a esta problemática pa la qu’incluso hai ellaboráu un proyeutu y un presupuestu, pero que por diverses razones enxamás se lleva alantre. Como consecuencia, los vecinos y vecines nun se rindes, y formaron una plataforma contra’l ruíu de l’autopista.

Dende Conceyu Abiertu por Uviéu consideramos perpositiva esta nueva iniciativa, que ye seña de que la población d’Olloniegu nun se rinde na so llexítima y xusta llucha, y encamentamos a les alministraciones públiques a poner igua lo enantes posible a esta situación.

Nesti casu, que vien dende tantos años atrás, nun sirven escuses de “la crisis”; tuvieron tiempu abondo pa iguar el problema, y si nun se fizo foi básicamente por falta de voluntá. Nesi sen, dende Conceyu Abiertu por Uviéu denunciamos una vegada más l’escaezu y falta de consideranza que les instituciones tienen pa coles zones rurales o apartaes de la zona centru’l conceyu, que como siempres, queden nos caberos puestos en cuantes a prioridaes gubernamentales.

Share Link: Share Link: Bookmark Google Yahoo MyWeb Del.icio.us Digg Facebook Myspace Reddit Ma.gnolia Technorati Stumble Upon Blogmarks
Comentarios
Buscar
¡Sólo los usuarios registrados pueden escribir comentarios!

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."