May
16
2011
Programa de Conceyu Abiertu por Villaviciosa PDF Imprimir Correo electrónico
Escrito por Toño   
Article Index
Programa de Conceyu Abiertu por Villaviciosa
VERSION EN CASTELLANO
All Pages

Programa ellectoral de Conceyu Abiertu por Villaviciosa coles principales propuestes de la candidatura na so versión orixinal n'asturianu y la so torna al castellano.

 

 

Participación ciudadana

Proponemos:

  • Recuperanza del sistema tradicional de xestión municipal basau nos conceyos abiertos, onde los vecinos y vecines de cada parroquia y cada barriu puean tener voz y sobretou votu naquelles cuestiones que-yos afeuten.
  • Cellebrar mensualmente los plenos municipales. Incluyir les propuestes de los grupos vecinales nos órdenes del día.
  • Asegurar la posibilidá de cellebrar refrendos por entamu popular o de la Casa Conceyu.
  • Elleición democrática de los alcaldes pedaneos
  • Afitar un horariu selmanal nel que l’alcalde y/o conceyales tean a dimposición de los vecinos p’atender quexes y propuestes.
  • Afitar puntos d’información municipal en ca una de les parroquies.
  • Promover la participación popular na ellaboración de los presupuestos municipales.

 

Emplegu

Proponemos:

  • Entamar una Comisión de Dinamización Sociollaboral que controle la política municipal en tolo que cinca a emplegu.
  •  Entamar un Plan d’Emplegu Municipal de cálter añal. Criar y xestionar una Bolsa de Trabayu pa los paraos. Cuntando coles necesidades llaborales de los desemplegaos/es del conceyu asina comu les necesidades de les empreses villaviciosines.
  • Desendolcu del Poligonu Industrial de La Rasa, mirando siempres pola instalación d’empreses respetuoses cola ñatura, non contaminantes y llímpies. Sofitandu la implantación d’empreses cooperativistes
  • Esaniciar les hores estres y llantar les 35 hores selmanales pa tolos funcionarios municipales.
  • Desixir a les empreses contrataes pol Ayuntamientu l’emplegu d’un cupu de trabayadores del conceyu, contratos de 35 hores selmanales y nenguna rialización d’hora estra.
  • Valorar pa cualisquier propuesta empresarial el númberu de trabayadores de Villaviciosa  emplegaos na mesma.

 

Vivienda

Proponemos:

  •  Crear un ampliu Parque de Vivienda Publica, en venta y alquiler, redistribuyendo les viviendes deshabitaes anguañu.
  • Crear un impuestu que grave les viviendes que s'alcuentren vacíes de forma permanente ensin razones que lo xustifiquen .
  • Destinar no sucesivo, el 50% del suelu municipal urbanizable a la construcción de viviendes de proteición oficial.
  • Construyir nueves viviendes sociales, dotaes de servicios comunes gratuitos, que sirvan pa facilitar l'accesu d'una primer vivienda a la mocedá y a colectivos desfavorecíos.
  • Aniciar un plan de restauración y anovación d'edificios que pola so antigüedá, valor históricu, tradicional o popular merezan ser conservaos.

 

Urbanismu

Proponemos:

  • Sacar alantre’l P.G.O.U de Villaviciosa,  alcordies cola Llei de Patrimoniu, poniendo  too´l enfotu’n combatir  la especulación.
  • Desaniciu de TOLES barreres arquitectoniques na Villa, grantizando’l drechu a transitar poles nueses cais y edificios a toos y toes les persones, con movilidá reducia y ensin ella.
  • Creación d´un Albergue Municipal
  • Acometer les obres de la Casona de los Hevia, pa vela finalizada d´una vegada.
  • Adecentar la avenida que va dende´l cuartel de la guardia civil hasta la Barquerina, dotala d´aceres, aparcamientos y desendolcar la rotonda necesaria pal bon transitu de los vehículos.
  • Facer d´una vegada por toes el ansiau carril bici al Puntal, asina comu ver les posibilidaes de creación d´otres rutes cicloturistes.
  • Potenciar les zones verdes nel cascu urbanu, obligando a les empreses costructores a reservar un espaciu pa les mesmes.
  • Istalar aparcamientos pa bicicletes nes zones públiques del conceyu (cientros educativos y deportivos, puertu Tazones, playes,  áries recreatives, ...).
  • Llevar alantre´l Plan Especial de Protección y Rehabilitación de Tazones
  • Aprebar una Ordenanza Municipal sobro llimpieza y acondicionamientu de caleyes y fontes.
  • Aprebar una Ordenanza Municipal sobro istalaciones de radiocomunicación (antenes de telefonía móvil).

 

Servicios sociales

Proponemos:

  • Baxada del sueldu y dietes de los nuesos gobernantes polo menos un 25%, col finxu de destinar un 15% del Presupuestu a Servicios Sociales.
  • Respeutu a la Residencia Nuestra Señora del Portal proponemos: El cambeu de organización y´administración de la mesma alcorde a otros criterios o la posibilidá d´integrala nel E.R.A.. Siempre primando les necesidades de los habitantes d´esti conceyu.
  • Creación d´un Centru de día pa persones mayores y discapacitaos.
  • Crear centros sociales en toes aquelles parroquies que lo pidan, priorizando la restauración de los inmuebles esistentes de propiedá municipal.
  • Nun conceder llicencies pa la costruición de bloques de viviendes o llocales públicos que nun  garanticen condiciones mínimes d’acesibilidá pa les persones con dificultaes físiques.
  • Entamar un Autobús Rural Municipal, tresporte públicu que dé serviciu a aquellos pueblos y aldegues que nun disponen del mesmu.

 

Cultura

Proponemos:

  •  L´aprebacion d’unes Ordenances Municipales sobro Oficialidá de la Llingua Asturiana que garantice la so normalización en toos lo ámbetos y los drechos llinguisticos de la vecindá. Asina comu la creación d´una Oficina de política llinguistica al serviciu del conceyu.
  • La biblioteca tien de volver al so llar, al mesmu edificio que se concevio pa tal finxu, na cai del agua. Hai que dotala de videoteca, fonoteca, serviciu uifi, col horariu adecuau a les necesidades de los sos usuarios y d´un mayor numberu d´obres asturianes y n´asturianu
  • Entamar una escuela d´artesanía y cultura asturiana en conveniu colos artesanos y xente del conceyu  vencellada a la cultura asturiana.
  • Contratar, de mena permanente, una persona esperta n’animación socio-cultural. Que dea serviciu tantu al Teatru Riera como al restu del conceyu.
  • Creación d´una Escuela Municipal de Música que dea cabida a toos los instrumentos (clásicos, contemporáneos, asturianos) en conveniu coles distintes asociaciones musicales de Villaviciosa. Esta Escuela de Música tien de ser la sede de la Banda de Gaites Villaviciosa asina como de la futura Banda de Música.
  •  Creación d´unos llocales d´ensayu pa los grupos musicales del conceyu.
  • Entamar un festival de calter añal col finxu de dar puxu a los estremaos grupos de música locales asina comu asturianos.
  • Declarar Villaviciosa comu conceyu antitaurín. Prohibir la cellebración de fiestes que supongan un maltratu pa los animales.

 

Mocedá y deportes.

Proponemos:

  • Afalar que seya contratao un mínimu de xente mozo naquelles obres que se faigan baxo llicencia municipal.
  •  Collaborar con otres istituciones pa xestionar y facilitar les práutiques de formación de los estudiantes.
  • Poner en furrulamientu un programa de participación xuvenil nes decisiones que se tomen na Casa Conceyu.
  • Fomentar l’asociacionismu y  les actividaes culturales destinaes a la mocedá.
  • Dotar a los/es deportistas d´esti conceyu d´unes istalaciones dignes pal desendolcu de les sos actividades, sofitu material y económicu pa los clubs deportivos.
  • Crear una Llar de la Mocedá, onde la xente mozo puea desendolcar les sos actividades con unos medios afayaizos y´un bon asesoramientu.
  • Declarar Villaviciosa comu conceyu antimilitarista.

 

Mediu ambiente

Proponemos:

  • Criar una Conceyalía de Mediu Ambiente, que fiscalice les actuaciones del restu les estayes que puean tener incidencia mediuambiental.
  • Aprebar una Ordenanza sobro Llanteros d’Árboles,  que llende’l  llanteru indiscriminao d’ocalitos y  potencie la reforestación  con especies llariegues.
  • Poner n´usu los montes comunales que s´alcuentren ensin actividá, con biesques autóctones que repercutan nes xentes de la parroquia o conceyu.
  • Mirar pol cumplimientu del “II Plan Rector de Uso y Gestión de la Reserva Natural Parcial de la Ría de Villaviciosa”. Pal desaniciu del chabolismu, recuperación d´acuíferos, perseguir l´usu de belenos ya eso.
  • Encamentar a les administraciones competentes pa facer el veradaderu saneamientu de la marxen derecha de la Ría, asina como del restu de zones que tan faltos d´el.
  • Entamar un Plan de Recuperanza Acuífera: riegues, ríos y los sos márxenes, fontes, mananciales, etc.
  • Istalar  contenedores pa la recoyía seleutiva de basoria en toles parroquies y nes aldegues de mayor población.
  • Entamar un Plan d’Aforru Enerxéticu nos edificios públicos.
  • Fomentar l’emplegu d’enerxíes alternatives. Istalar plaques solares nes viviendes sociales de nuea costruición.
  • Declarar Villaviciosa comu conceyu non ñuclearizáu, refugando’l pasu de tresportes con residuos ñucleares pel so territorio asina comu l´asentamientu d´empreses rellacionaes colo nuclear.

 

Comerciu

Proponemos:

  • Promoción de los nuesos comercios llocales nel oriente asturianu, ye importante desendolcar unes bones campañes de marketing, que sian capaces d’atraer al publicu del oriente asturianu.
  • Sofitu a la modernización del comerciu llocal y facer campañes de sensibilización empobinaes a afalar a los y les comerciantes na gueta de la excelencia comercial.
  • Proponemos un nuevu tipu de mercau,ensin perxuiciu del de los miércoles, basau n’artesanía, los productos tradicionales, los productos artesanos  y los ellaborados nel nuesu conceyu, cola fin de facelo mas atractivu pa los nuesos vecinos y vecines, y servir d’atracción a la xente  d’otros conceyos.
  • Dar facilidaes a los comercios maliayos, p’adecuar les sos instalaciones al publicu con minusvalíes qu’afecten a la so movilidá, eliminando toles barreres arquitectóniques tantu dientru l‘establecimientu, como d’accesu al mesmu. Cola fin d´ atraer el turismu comercial d’estos coleutivos, tantu d’Asturies comu de fora d’ella.
  • Nun conceder llicencies pa la istalación de grandes o medianes superficies comerciales.

 



Comentarios
Buscar
brussels81  - tea watches   |115.196.91.xxx |2012-08-18 19:19:01
This catches as well alleviate a brush bit helping hand and the hour and hr
pari-mutuel machine* spaghetti strap bateau hottest tight cartier watches replicas pear shaped with red wholesale in stores , which dismiss equal easy
sparked with the employment from bear on butts against spaghetti strap
square low budget sheath rolex replicas pear shaped white . Buy long length 20 s style tank bateau high fashion a
line swiss watch replica websites slender neutrals customermade in fuschia long length chapel train
spaghetti strap square precious princess rolex replicas swiss made with plus size in bangalore fo rent
brussels81  - pat watches   |115.200.248.xxx |2012-11-21 20:56:31
Online store provides the best replica watches fake cartier watches francaise replica . There are many choices of named brand watches, golden ellipse watches timewalker montblanc such as the Replica Rolex Watches, Omega watches  and so on
brussels81  - cheap wedding dresses     |115.200.249.xxx |2013-01-10 04:24:48
Obtaining a dress that doesn't price lots but looks excellent is really
satisfying and assists you to definitely conserve for significant
points just like the honeymoon. off the shoulder wedding gowns halter scoop evening dresses Nonetheless, occasionally a gown that is inexpensive or significantly
discounted may possibly have a reason to the minimal cost Daffodil cocktail dresses . For example, it could have already been applied for display or possibly
bought and returned. cheap evening gown
brussels81  - leftdress wedding dresses     |115.200.251.xxx |2013-04-11 22:10:14
1 To get Ball Dress Dresses http://www.neardress.net . Regarding such purple evening clothing, neardress.net prom dresses outlet simple casual wedding dresses theres no are looking for a personalize to make several alteration
suitable for you.
¡Sólo los usuarios registrados pueden escribir comentarios!

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."

 
Banner