Oct
05
2013
Conceyu Abiertu desixe responsabilidaes tres la sentencia qu’anula la regasificadora d’El Musel
CONCEYU ABIERTU - NOTICIES

El Tribunal Superior de Xusticia de Madrid vien d’anular l’autorización que permitió la construcción de la regasificadora nel puertu d’El Musel, al considerar que ye illegal llantar unes instalaciones d’esi calter a menos de 2 kilómetros d’una población.

Leer más...
 
Oct
02
2013
Sofitamos la fuelga en Duro Felguera en solidaridá colos dos despedíos y contra'l cierre de los talleres.
CONCEYOS - LLANGRÉU
Conceyu Abiertu por Llangréu quier faer públicu'l so sofitu a la convocatoria de fuelga del 2 d'ochobre nel tallerón de Barros de Duro Felguera en sofitu a dos trabayadores despedíos, pol cumplimientu de los alcuerdos roblaos pola empresa y pol caltenimientu de la empresa nel conceyu y Asturies. Asina tamién, comunicar que la xornada de fuelga coincide col xuiciu d'una d'estes dos persones despedíes y qu'hai una concentración de sofitu al despedíu delantre los xulgaos de Mieres del Camín a les 10:00 hores.

Dende Conceyu Abiertu por Llangréu creemos que nun hai otru camín que la unidá obrera y popular pa defender el nuesu conceyu y Asturies del desmantelamientu industrial que ta sofriendo. Dende la nuesa plataforma municipal queremos dicir a la empresa Duro Felguera que cumpla lo pautáu y caltenga l'actividá productiva n'un conceyu, el de Llangréu, col que tien una delda hestórica eterna. Tamién pidimos más presión dende les instancies polítiques municipales, autonómiques y estatales. El futuru de Llangréu, les cuenques y Asturies ta en xuegu. Nun queda otra que dir a la llucha y nun confiar nada nos especuladores y vendepatries. Naide va regalanos nada.
 
Sep
21
2013
Convocatoria de Coordinadora Nacional
CONCEYU ABIERTU - NOTICIES

Conceyu Abiertu convoca una nueva Coordinadora Nacional que tendrá llugar esti martes 24 de setiembre.

Esti martes 24 de setiembre, de magar les 20:00 en primer convocatoria y les 20:15 en segunda, Conceyu Abiertu convoca una nueva Coordinadora Nacional abierta a la participación del pueblu asturianu. Na mesma van a discutise distintes propuestes y valoraciones, amás de cuestiones de calter organizativo, ayalguería, etc.

 
Sep
17
2013
Pando, Riañu y Barros ensín tresporte escolar pa neños y neñes.
CONCEYOS - LLANGRÉU

Estos díes salió una noticia a la lluz vergoñosa dende tolos puntos de vista. La Conseyería d'Educación decidió retirar los servicios gratuitos de tresporte público a los escolinos d'estes llocalidaes llangreanes, col eternu argumentu de que “nun hai dineru”. Asina pues, los servicios de tresporte escolar de los que disponíen los neños y les neñes d'estos pueblos van ser esborriaos del mapa pol Gobiernu'l Principáu.

Leer más...
 
Sep
11
2013
Conceyu Abiertu por Samartín llimpió la cancha de Bedavo y la so redolada
CONCEYOS - SAMARTÍN DEL REI AURELIO

 


 

 Ente la clara falta de personal de llimpieza necesariu pal correchu mantenimientu de delles zones del conceyu y l'actitú incívica de determinaes persones,dende Conceyu Abiertu por Samartín procedimos na mañana de güei a la llimpieza de la zona de la cancha de Bedavo (L'Entregu) y la so redolada.


Con esta aición simbólica queremos dar un toque d'atención a los responsables d'esta situación y reclamar que nun s'escaezan estes zones del nuesu conceyu.
Asina queremos pedir que se cubra'l personal necesariu pal correchu disfrute de toles zones del conceyu.

 
<< Inicio < Anterior 1 2 3 4 5 6 7 8 9 10 Siguiente > Fin >>

CONCEYU ABIERTU POR

  

SÍGUINOS TAMIÉN EN